Isikiel 33:3 - DAWAN BÎLA AISKA

³ Bara aihwawakra ba, suldiar ai waihla nani ba tawan lamara aula ba ra, trumpit ba puhbisa upla ra kaina manis maisa pakaia dukiara.

Isikiel 33:3 ပူးပေါင်းရင်းမြစ်များ

Nihimaya 4:18

upla sut baha paskaia wark taki banhwi kan ba, ai maisa ra sord bri kan, bara trumpit puhbaia uplika ba lika yang tnaiya ra bâra kata,

Nihimaya 4:20

Bamna man nani trumpit binka walma ba ra, bahara yawan aikuki asla taki banhwaia sma bara wan Gâdka ba yawan tâwan aiklabia.”

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 4:5

“Jerusalem bara Juda ra naha na wis, baha nani kuntrika aiska ra trumpit puhbi maisa paks, karna pali wini wis: ‘¡Kaisa yawan! ¡Asla takaia waia! ¡Baha tawanka kutbanka karna nani ba ra!’

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Isikiel 3:19

Sakuna man smalki lawi daukram kuna, ai kupia lakras sa ai saurka ba wina, bara ai yabalka saura ba swiras, bara witin prubia, kuna man sulkam ba pri sakram kabia.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Joel 2:1

Saion ilka purara man nani trumpit ba puhbi bas; Dawan ilka holikira ba purara, man nani bin tara dauks, Juda ra iwi nani ba sut tatatwi kabia, kan Dawan yua aula ba, pat baila sa bamna:

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

1 Korint 14:8

Bara war aiklabuya ba ra, sim trumpit binka ba latan kangbras sa kaka, suldiar kumi sin aiklabaia ridi takbia apia.