Isikiel 33:25 - DAWAN BÎLA AISKA

²⁵ Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Isikiel 33:25 ပူးပေါင်းရင်းမြစ်များ

Blasi Sturka 9:4

Sakuna wîna tala bri nani ba, man nani pima apia, kan tala ba sika upla rayaka sa bamna.

Lawana Nani 24:4

Witin ai mihta ai kupia lukanka nani, tâski âpu bri ba; witin aidul nani ra mayunras ba, kunin muni swer taki aisaras ba.

Jirimaya 7:15

Man nani ra sin yang maiwan wina mai kangbi mai sakamna, muihkam nani Efraín kiamka nani ra pat kangbi sakri ba baku.’

Jirimaya 7:21

Karnika sut bri Dawanka, Israel Gâdka ba, ai uplika nani ra wisa: “Man nani wîna nani aiska angks, sakripais nani sin dauks, man nani brin mai dauki ba baku, bara baha wîna ba brih pis.

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 18:15

Wibia kaka il nani plahpia ra plun pi aidul nani ra pain kulkaia dauki ba witin baha mayunras kabia; kunin gâdka nani Israel bri ba sin ai lukanka ba ra mangkras kabia; ai uplika maya sin dakbras kabia,

Isikiel 18:6

Il nani plahpia ra plun pi aidul nani ra pain kulkaia dauki ba witin baha mayunras, kunin gâdka nani Israel bri ba ra sin ai lukanka bâra mangkras; ai uplika maya sin dakbras, ai maya kati siknis bri ba lamara waras;

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 22:3

Bara man wima: ‘Naku wisa Dawan ba: Tawan, man nani uplikam ra ikisma ba, aidul nani paskisma tâski takaia dukiara, ¡awarkam ba pat balbia!

Isikiel 22:6

Bahara sa Israel tâ brabrira nani ba, man tilamra iwi ba, bara nahki ikaia lâka sip ba kat dauki ba.

Isikiel 22:9

Ai kuninka tâka, uplikam nani ba pâtkira kulkan sa, upla wala prawi ba ra; aidul ra kulkanka tara wal, plun pi ba tilara wisa; diara saura kaikaia lâka ba daukisa.

Isikiel 36:18

Baku mika kupi sauhkanka, witin nani purara mangkri upla nani kuntrika tikan ba tâwan, bara baku tâski daukan aidul nani ra mayunan,

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Libait Lâka 7:20

“Upla kum tâski kulkan ba, Dawan wal kli wan uplika takaia sakripaiska daukan wîna ba wina pibia kaka, bara baha wîna pat Dawan dukia yaban kan sa kaka, baha uplika ba upla wala nani tila wina mawan ba tikbia.

Libait Lâka 7:21

“Dawan lâka kat diara kum upla wîna ra, daiwan wîna ra, apia kra diara wala kum ra tâski kulkan ba, upla kum baha tâskika ba kangbuya ba ra, Dawan wal kli wan uplika takaia sakripaiska daukbia, Dawan ra yaban daiwra wîna ba wina pibia uplika ba, upla nani tila wina ai mawan ba tikbia.”

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Apastil Nani Sturka 21:25

Sakuna Ju apia nani kasak lukan lâka alkan ba dukiara lika yang na lâ daukri ba pat ulbri sa: gâd bahki nani ra sakripais daukan wîna ba piaia apia, tala sin apia, daiwan katwi pruan wîna ba sin piaia apia, bara upla kum marit takras kaka ai maya ba briaia apia sa.

Kli Smalkanka 12:16

Sakuna tâlia ba piaia apia sma, kuna lî baku tasba ra laiks.

Kli Smalkanka 12:23

Sakuna natka kumi ra sin tâlia ba piaia sma, kan tala ba rayaka sa; baku bamna rayaka wihki wîna aikuki asla piaia apia sma.

Kli Smalkanka 15:23

Sakuna ai tâlia lika pipara, tâlia ba tasba ra lî baku laiks.

Kli Smalkanka 4:19

Bara kasbrika ra, lapta, kati, slilma nani, slilma tara nani kaikma piua ra baha nani ra mayuni traika kaikan ra kauhpara, kan Dawan Gâdkam paskan sa tasba aiska uplika nani sut dukia.