Isikiel 33:24 - DAWAN BÎLA AISKA

²⁴ “Upla nani Israel tawanka nani slingban ba ra iwi nani ba, aisi taukisa: ‘Ebraham ba yakan kan ba ra, ban sakuna kuntrika aiska ba dawanka takan; yawan upla kau ailal banhwi na, kau wan raitka brisa kuntrika na dawanka nani takaia.’

Isikiel 33:24 ပူးပေါင်းရင်းမြစ်များ

Blasi Sturka 17:8

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Jirimaya 39:10

Juda ra swin ba lika upla kau umpira nani kan ba baman, witin nani diara âpu kan ba; wain nasla nani ba insla daukaia tasbaya nani ba, baha nani ra yan.

Jirimaya 40:7

Judia kamandantika nani suldiarka nani daknika ba aiklabaia watla ra bâra kan, witin nani sturi walan Babilon kingka ba mita Guedalías, Ahicam luhpia waitna ba wihta tara mangkan Babilon ra brih waras nani kan ba: waitna, mairin nani, tuktan nani ba sut Judia tasbaya ra pura kaikaia;

Jirimaya 41:7

Witin nani nan tawan lilara wih diman ba ra, Ismael uplika nani ba pat bal taki waitnika nani ba iki lî watla tara kum ra auhban.

Isikiel 11:15

“Upla nani Jerusalem ra iwi ba Israel luhpia nani dukiara aisisa, man nani tawankam uplika nani ra wisa: ‘¡Witin nani ba Dawan wina laihura sa! Yawan nani ra lika, kuntri ba wankan yawan baha dawanka takaia.’

Isikiel 33:23

Dawan ba yang ra balan bara ai win:

Isikiel 33:27

“Bara sin wis: ‘Dawan ba naku wisa: Rayaki wal swer takisni, tawan sauhki tikan nani ra iwi nani ba sin ikan kabia, bara insla ra iwi nani ba yabrika takbia bara daiwan wail nani mita pibia, bara walpa tilara iwi nani ba, siknis wal prubia.

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Isikiel 36:4

Baku bamna, Israel ilka tara nani, il sirpi nani Dawan aisi ba wals, awala nani bara il bîla nani ra sin; sauhki tikan Israel tawanka upla iwras tasbaya takan ba, witin nani lamara iwi nani ba mita Israel ra implikan ba, bara lawaska kikan ra tawan nani ba.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Luk 3:8

Diara nani dauki mariks, saurkam nani wina kupiam lakram tânka ba, bara man nani pana pana sin aisapara: ‘¡Yawan lika Ebraham kiamka!’; kan yang pali mita mai wisna, Gâd sip sa naha walpaya nani na brih, baha ni Ebraham kiamka nani daukaia.

Jan 8:33

Baha nani pana win: —Yang nani na lika Ebraham kiamka, bara kau aima kumi sin yang nani upla albika takras; ¿bamna nahki man wisma, yang nani na pri lâka bri kamna?

Jan 8:39

Baha nani pana win: —¡Yang nani aisiki ba lika Ebraham! Jisas pana win: —Man nani ba kasak Ebraham luhpia nani katma kaka, dîa witin daukata ba, man nani dauki kaia kapram.

Apastil Nani Sturka 7:5

Sakuna Gâd mita naha tasbaya ra witin ai dukia pali lika kau yaras kan, ai mina kahbaia pliska kum sin apia. Ban sakuna, Gâd pramis munan tasbaya na witin ra yaia, bara prubia ningkara ai kiamka nani dukia kabia. Baha piua ra Ebraham luhpa nani kau âpu pali kan.

Roman 4:12

Kasak pali, Ebraham lika Aisa sainka mangkan uplika nani ba aisika sa; baha tânka ba lika, ai wîna ra baman Aisa sainka mangkras, sakuna wan aisika Ebraham Aisa sainka briras kainara kasak lukan lâka bri kan ba nina bliki banhwisa.

Roman 9:7

Bamna Ebraham kiamka sut ba lika Gâd luhpia nani apia sa; kan Gâd mita Ebraham ra win: “Aisak bâk baman kiamkam nani brima.”

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.