Isikiel 33:11 - DAWAN BÎLA AISKA

¹¹ Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 33:11 ပူးပေါင်းရင်းမြစ်များ

2 Samuil 14:14

Diara kum rait sa yawan sut na pruaia; yawan na lî tasba ra laiwi ba baku sa, baha sut sip alki briras. Ban sakuna, Dawan bui upla rayaka ba bri sakras, sakuna natka nani mangkisa, plapi ba kau laihura waia apia.

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Lawana Nani 51:15

Dawan, yang uni nani ba ilingks; bara uni nani wal mamyunra lawana nani aiwanamna.

Sins Lâka 1:23

Yang smalkanki na wals, bara spiritki ni mai banhkamna; yang maikamna lukanki tânka briaia.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Aiseya 21:12

Bara aihwawakra pana wisa: “Pat ingwaia baila sa, sakuna tihmia ba kli aula. Kli walan mai daukisa kaka kli bal makabi wals.”

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Jirimaya 22:24

Dawan ba, Jeconías,, Joaquim Juda kingka ba ra pat win kan: “Yang rayaki ni swer takisna man ra: Man ba mihti aihkika ra sîl mihtadingka baku bâra kama kaka sin, sakuna baha wina mai daikaisna

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Jirimaya 46:18

Yang, king sna ba, bara nini ba Dawan karnika sut brisna, rayaki ni swer takisna: Tabor ilka il nani tilara kau purara ba baku, Carmelo ilka, kabu purara daiwi takan ba baku, waihla aula ba baku sa.

Inanka Nani 3:33

Kasakka pali ba sika, witin brin daukras sa pât saura ra blikaia, baku sin brin daukras sa upla ra latwan yaia.

Isikiel 14:6

Baku bamna, wis Israel luhpia nani ra: ‘Naku win Dawan ba: Kupiam laks, bara aidulkam nani ba wina taws, bara mamwan ba wauhi laks diara yamni kaikras lâka sut ba wina.’

Isikiel 16:48

Yang, Dawan ba, swer takisna rayaki ba ni: muihkam Sodoma bara ai tawanka sirpi nani sin daukras sa, man bara tawankam sirpi nani aikuki daukram ba.

Isikiel 18:23

Yang brinki apia sa saurakira ba prubia, kuna ai daukanka ba natka wala takbia bara raya kabia. Yang, Dawan, kasak aisisna.

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Daniel 9:13

Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Kulki Kaikanka 14:21

Ban sakuna, kasak pali sa, yang raya sna ba mita praina ba tasba aiska ra banhwan kabia.

Kulki Kaikanka 14:28

Bamna man wih wis, yang mai wisna na: ‘Yang, Dawan swer taki mai wisna, baku sika daukamna man nani wal.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Roman 14:11

Kan Ulbanka ba wisa: “Yang rayaki dukiara swer takisna, Dawan bila, upla bani ai lula krikbia yang maiwanra, bara upla sut param pali aisabia yang na Gâd sna.”

1 Timoti 2:4

kan witin want sa, upla sut ba swaki sakan kabia, kasak tânka ba sin witin nani kakaira taki banhbia.

2 Pita 3:9

Dawan ai pramiska ba, pat tnata alkaia brin daukras sa lika apia, upla tila nani luki ba baku; sakuna yawan wal witin ai kupia alki takaski brisa; kan witin brin daukras upla kumi kra tanis tiwbia, kuna upla sut ai daukanka saura wina ai kupia lakbia.