Isikiel 32:7 - DAWAN BÎLA AISKA

⁷ Yang mai sauhki tikamna bara yabrika kasbrika ba tihmu takbia bara slilma nani ba ai ingnika ba daskbia; kasbrika wal lapta ba bikamna bara kati ba kau ingbia apia.

Isikiel 32:7 ပူးပေါင်းရင်းမြစ်များ

Job 9:7

Witin lâ mangkisa wan yu ba bal takaia apia, slilma nani ba sin ai ingnika sakaia apia.

Sins Lâka 13:9

Kasakkira nani ba lamp kum baku ingwisa, watawikira ba lamp kum daswan ba baku sa.

Smasmalkra 12:2

Nanara dauks, wan yu ingnika, kati bara slilma nani tihmia takras bara kau kasbrika bâra sa, lî auhan ba ningkara.

Aiseya 13:10

Baha ba mita slilma nani bara slilma sirpi nani daknika kasbrika purara bâra ba ai ingnika ba sin ingbia apia; lapta ba uli balbia wal baku, tihmu tara iwbia, bara kati ai ingnika ba sin yabia apia.

Aiseya 34:4

Bara kasbrika purara slilma nani ba sut sin plapi kabia, sim wauhtaya karbi baku karbia; bara ai lampka nani sut ba ingnika daskbia apia, wain kiwka wina wahia lâwan nani kauhi ba baku, kwah damni dusa wina wahia kauhi ba baku sin.

Jirimaya 13:16

Man nani bui Dawan Gâdkam ba pain kulki bas, witin bui man nani ra tihmia tara ba kau bri balras bara kiasma ilka nani ra kau minam prukras sma ba ra; baha ingnika bîla kaikisma witin mita kau tihmia tara ba bri balras dista tara ba kau daukras ba ra.

Isikiel 30:18

Yang bui Idsip karnika ba sauhkamna ba ra, ai karnika dukiara aimayuni ba danh daukamna ba ra, lapta ba tihmu takbia Tafnes ra; kasbrika kum Idsip pura bikbia, bara ai tawanka uplika nani ba silak ra brih wabia.

Isikiel 30:3

pat aula ba dukiara; ¡Dawan yua ba pat aula sa! ¡Yua dista dingkan kum kabia, yua saura pali kum nisan nani mapara!

Isikiel 31:15

‘Yang Dawan sna ba, wisni: Dusa na prura kingka tasbaya ra iwbia ba ra, yabrika sari mita kabu tihu ba lâwbia; awala nani ba alki takaskamna bara lî plapi nani ba; witin bâk yabamna Líbano ilka ba sari ni aibanhbia bara dus nani bâra ba sut srawbia.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Joel 2:10

Tasba ba witin nani ai mawanra nikwisa, purara kasbrika ba sin tatatwisa, lapta bara kati sin ai ingnika ingras, slilma nani ba sin ingnika âpu takisa.

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Joel 3:15

Lapta bara kati sin, tihmia tara pali takuya, slilma nani ingnika ba sin tiwuya.

Emus 8:9

Dawan aisisa: “Yang baha yua ra daukamna, lapta wan lal kat yu ingnika ba prakan kabia, bara kakna pali ra tasba ba tihmia tara daukamna.

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.

Mark 13:24

“Sakuna baha yua nani ra, pât wahwanka piua ningkara, yu lapta ba tihmia takbia, kati sin ai ingnika yabia apia,

Luk 21:25

“Bamna sain nani takan kabia lapta ra, kati ra bara slilma nani ra sin, naha tasba ra nisan nani ba aihka aimawahkan kabia, bara sibrin tara sin takbia kabu ripka binka tara ba mita.

Param Marikanka 8:12

Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan, bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.