4 Tasba tani ra mai raskamni bara tasba ra mai bataki mai swimna. Yabamna kasbrika ra piawira nani sut ba man puramra buaia, bara wînam tara ba daiwan wail nani sut mita pibia.
Bara baha sut ba unta ra lulki swin kabia, tnawira nani pata kabia, bara daiwan wail nani ba pata swibia; tnawira nani ba, lapta piua ra ai pata piaia awarka bahara bribia, daiwan wail nani bâra ba, kauhla piua ra ai pata piaia awarka bahara bribia.”
“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”
Dawan mita daukbia baha yua ra upla nani prubia ba, tasba tâ kum wina tâ wala kat pruan nani ba prawi kabia. Upla kumi sin baha nani pura mata inbia apia, upla kumi sin baha nani bikaia alki bukbia apia; daiwan kânka nani baku tasba ra pruan kabia.
witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.
Upla iwras tasbaya ra mai lulkamna, awalkam inskika sut aikuki; plis langni ra kauhi banhma, bara upla kum sin mai wahbia apia mai bikaia dukiara. Yabrika mai pibia daiwan wail kraskira nani, kasbrika pura ba wina piawira nani ba sin.
Idsip slingban ba baku ban kabia, Edom sin twi saura tasbaya upla bâra iwras ba baha ban kabia, witin nani mita sika Juda uplika nani ba pâtkas kan, mapara aiklabi tala laiki ikan bamna.