Isikiel 31:3 - DAWAN BÎLA AISKA

³ Man ba saiprus dusa, apia kaka, Líbano yalamka dusa baku sma, tnamwa painkira ba wal dista yabisma dus wala nani bâra ba. Yari pali sa, ban kasbrika kat wisa tnamwa bahna ba.

Isikiel 31:3 ပူးပေါင်းရင်းမြစ်များ

Lawana Nani 92:12

Upla kasakkira ba lika, kûku dusa tangnika baiwi ba baku kabia, bara Líbano yalamka dusa pâwi ba baku sin.

Aiseya 37:24

Man nani dukiam dadaukra nani bâk Dawan mapara saura aisaram: ‘Yang waginki aiklabaia ailalka ba wal, il purara uli wari, bara Líbano ra tawi dimi wari. Bara ai yalamka, ai awaska kau pranakira bara yari nani ba sin klakri. Bara sin kau unta biara ra dimi wamna, baha untika puka, tangni kau pranakira bâra ba kat.

Jirimaya 17:8

Dus kum awala un ra mangkan ba baku kabia, wakia nani ba lî aubi ba ra pâwisa, lapta taki bara witin sibrin daukras, wahia nani ba sisitni sangni sa. Lî auhras ba piua ra sâp sa, piu sut mâ nani ba bâra sa.

Jirimaya 50:18

Baha mita, yang, Dawan karnika sut brisna, Israel Gâdka mai wisna: Babilon kingka ba kuntrika ra sin klala yabaisna, Asiria kingka ra munri ba baku.

Isikiel 17:22

‘Yang Dawan sna ba, naku wisni: Yalam dusa kum purara ba alkamna; slaunhka kau purara ba krikamna ba ra, yang pali il kau tara ba purara mangkamna,

Isikiel 19:11

Ai tnawa nani ba karna pali takan, king nani kingka baku takan bara tara pali pâwan bamna, kasbrika nani kat uli wan. Bâk sakan tânka taki kan purara pali pâwaia ulan ba mita; baku sin ai tnawa nani tara pali kilwi dihwan bamna.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Isikiel 31:16

Yang yabrika prura kingka tasbaya ra iwbia pruan nani bâra ba wal asla prawaia; witin kauhan binka ba wali tasba ra nisan nani ba tatatbia bara baha tasbaika ra tasba munhtara Eden dusa nani ba maisa nihkra brin kabia; kau painkira bara kau pain lî ni laiki lâkan nani ba sin Líbano ilka ra.

Isikiel 31:17

Witin nani sin mâya kat iwbia, witin baku, prura kingka tasbaya ra asla takbia war ra pruan nani wal. Ai distika ra iwi kan nani ba, nisan sât sât tilara yakabrira takbia.

Isikiel 31:5

Lî ailal pali bri kan bamna, dus wala nani wal kau pain pâwan; ai tnawa nani ba tara takan, bara ai tnawa nani pâwi takan.

Isikiel 31:6

Tnawira sât sât baha tnawa ra ai watla dauki kan; daiwan wail nani sât sât ba baha munhtara ai luhpia baiki kan. Nisan ailal baha distika ra iwaia sip kan.

Isikiel 31:8

Yalam dusa kum sin âpu kan Gâd ra giadinka ra witin wal praki kaikaia; awas dusa kumi sin witin tnawa bri ba baku âpu kan, castaño dusa kumi sin wahia ailal briras kan, dus kumi sin Gâd giadinka ra âpu kan witin ai prana ba wal prakaia.

Isikiel 32:22

“Bahara sa Asiria, ai suldiar sut aikuki raitikam ba kutbi kir brisa. Witin nani sut war ra pruan ba.

Daniel 4:10

Krikriki ra aitniki katna bara naha diara aihka sika kaikri ba: ‘Tasba ba lilapas ra dus yari pali kum kaikri.

Daniel 4:12

Ai wahia nani ba tara pain pali kan, ai mâ ba sin ailal pali kan, upla sut ra plun dakakaia ba aitani kan. Daiwan wail nani ba ai distika ra dimi kan, ai tnawa nani ra piawira nani ai watla dauki kan, tasba aiska ai rayaka ba baha wina saki kan.

Daniel 4:7

Witin nani balan, sinskira nani, diara kakaira nani, sins lâka kakaira nani, bara slilma tânka plaplikra nani Babilon ra, bara yaprikisauhkan kaikri ba wîri, sakuna witin nani sip tânka ba ai wiras kan.

Sofonías 2:13

Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.

Sakaraya 11:1

¡Líbano, durkam nani ba kwâks, bara pauta klauhan mita yalamkam dusa nani ba angki âpu daukbia!

Sakaraya 11:2

¡Awas dusa, man sin ins, yalam dusa ba kauhan bamna, baha dus pranakira nani kata ba sut sauhki tikan sa bamna! ¡Basán usupumka dusa nani man nani sin mâmna lulks, unta biara ra dus nani sut batakan bamna!

Wihta Nani 9:15

Bara kiaya dusa ba witin nani ra win: ‘Âu, man nani kasak pali aihwa yang na man nani kingkam ai mangkaia brin mai daukisa kaka, man nani sut yang distiki ra bal dimaia sma; sakuna yang na man nani kingkam aimakaia brin mai daukras kabia kaka lika, yang wina pauta klauhan buki klauhbia bara Líbano ra yalam dusa nani ba sut angki sauhkan kabia.’