Isikiel 31:14 - DAWAN BÎLA AISKA

¹⁴ Bara dus kum, lî lamara kabia sin, kli ban pâwbia apia; lî pain laikan kabia sin kasbrika kat tâ ba alkbia apia, bara ban pali pâwi uli wabia apia. Sut ba ban swin sa pruaia; naha tasbaya munhtara iwaia bara asla takaia pat raiti ra nani ba wal.

Isikiel 31:14 ပူးပေါင်းရင်းမြစ်များ

Nihimaya 13:18

Man nani damikam nani baku daukan ba tâwan sika, wan Gâdka ba mita wan purara pât saura nani blikan naha tawanka purara. ¿Bara man nani kau Gâd kupia sauhkan mai daukisa ki Israel luhpia nani purara, ris briaia yua kulkanka ba yabras tâka mita?

Lawana Nani 82:7

Ban sakuna, upla prui baku prui tiwma ¡wihta rausasauhkra baku sut prui tiwma!”

Aiseya 14:15

Ban sakuna, kasakka pali ba prura tasbaya kat iwram, albangka tihu pali kat ni waram,

Isikiel 26:20

bahara man rungkma upla pruan nani bâra ba kat. Tasba ba wina kau tihu tara ra mai lulkamni, bara kuntri ba sauhki tikbia ba baha nani pat pruan nani ba tilara iwi kabia. Bahara upla kli âpu kabia, kli sin tawanka ba paskan kabia apia.

Isikiel 31:18

Eden ra dus nani bâra ba kumi sin witin wal sip prakras kata kulkanka ba bara pâwanka yarika ba wal sin; bara ban sakuna, Eden dusa wala nani wal baku mâyara iwbia, tasbaya tasba munhtara bâra ba kat iwi wabia, idan nani tilara iwaia, upla nani war ra pruan nani ba tilara. ‘Baha dusa tara ba king fero sa ai uplika sut kira. Yang, Dawan, kasak aisisna.’ ”

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Emus 9:2

Witin nani tasba mununhtara salhki dimbia sin, yang baha wina alki sakamna, kasbrika purara uli wabia sin, baha wina batakamna.

Jona 2:2

naku aisin: “Yang pâtki tara tila wina, Dawan, man ra winri, bara man pana yang ra aisaram. Prura tihuka tara nani ba wina man ra winri, bara man bui yang ra walram.

Jona 2:6

Tihuka tara pali mununhtara ai rungkram; baha kat yang daira walri, silak watla ra ban bâra kaia ai mangkram ba. Sakuna man, Dawan, yang Gâdki, prura wina swaki ai sakram.

Kulki Kaikanka 16:30

sakuna Dawan ai warkka nani daukbia ba ra, tasba kwâki naha waitnika nani ra langkbia, diara nani bri ba sin sut, raya banhwi ba ra tasba mununhtara dimi wabia. Man nani sut mita kaikma, naha waitnika nani na sika Dawan ra bahki kulkan ba.

Kulki Kaikanka 16:33

Bamna witin nani pruras ban diara nani bri kan sut aikuki, tasba ai bîla kwâkan ra kauhan, tasba mununhtara ai dukia nani sut wal aikuki, bara baha ningkara tasba ba kli prawan. Baku witin nani ba Israel luhpia nani tila wina sakan kata.

Matiu 11:23

Bara man, Kapernaum tawanka, ¿kasbrika purara ba kat mai sunan kabia lukisma? Man lika hil pauta tihuka kat mai lulkan kabia. Kan man nani tilamra sain aihka nani daukan baku Sodoma tawanka ra daukan kaka, baha tawanka naiwa kat ban bâra kaia kan.

1 Korint 10:11

Naha diara nani sut wan damika nani ra takan, bara Ulbanka nani ra mangkan kata, naha tasba yua nani lui waia lamara yawan raya iwi nani ra, baha tânka wan mariki wan kupia kraukaia dukiara.

Epesus 4:9

¿Bamna, “purara uli wan ba”, dîa tânka sa ki? Baha tânka sika, witin pas tâura tasba kau mâyara pali iwi wan.

Kli Smalkanka 13:11

Naku natka ra kli saura daukaia dukiara, Israel aiska ai tânka brih sibrin bri bribia.

Kli Smalkanka 21:21

Baku sa kaka, tawan waitnika sut mita walpa ni sabi ikbia. Baku lika man nani tawankam ra saurka lâka bâra ba âpu kabia, bara Israel uplika baha wali bara si bribia.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.