Isikiel 30:9 - DAWAN BÎLA AISKA

⁹ “Idsip ra klala yabaia yua balbia ba ra, bîla twatwilkra blikamni, kabuk upla nani maisa pakaia Etiopía uplika ai dahra walras ba, baha nani sirang tara pali iwbia. Baha yua ba pat balaia man sa.

Isikiel 30:9 ပူးပေါင်းရင်းမြစ်များ

Aiseya 19:17

Idsip ba, Juda tasbaya mawanra sibrinka bri kabia; sturka aisi ba wali baman sibrin takbia, karnika sut bri Dawanka ba mita, Idsip tani ra diara nani daukaia lukan bamna.

Aiseya 20:3

Bara Dawan bila win: “Yang duki dadaukra Aiseya ba mani yumhpa sûs âpu bara ai prâka tara ba dimras tauki kan, Idsip bara Etiopía wal mapara sain baku mariki kan.

Aiseya 20:5

Bara witin nani ai kupia trabil munbia, ai swira sin lukbia Etiopía ra kan bahara bîla kaikanka bri kan ba, bara Idsip ra, ai mayunra kan ba.

Aiseya 23:5

Naha sturka Idsip uplika nani ra walbia ba ra, Tiro sturka ba dukiara sari bribia.

Aiseya 47:8

Baha mita, naha na nanara wals, diara lalihkra nani mairka, âuyapah iwaikam ra iwisma ba, lukankam ra lukisma ba: ‘Yang, bara yang wina kau walan âpu sa; yang piarka takamna apia, luhpias sin takamna apia.’

Jirimaya 49:21

Edom kauhanka ba bin tara takbia, tasba ba tatatbia; hilp makabi wini kabia, inanka binka ba Kabu Pauni kat wali kabia.

Jirimaya 49:31

Yang, Dawan, man nani ra mai wisna: ¡Kainamra waps, baha uplika nani trabil âpu ai âuyapah ba wal aiklas, get nani âpu, prakaika sin âpu, yakan pali iwi ba mapara!

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Isikiel 26:16

King nani kabu wina ba sut batakan kabia, bara ai prâka maman nani ba sut dakbi bribia; sibrin tara ba mita tasba kat iwi kabia, awar bani sibri mita tatatwi kabia bara baha nani kaiki sibrin takbia.

Isikiel 27:35

Kabu un ra tawanka uplika nani sut ba, tâ iwan man dukiamra; kingka nani ba sirang iwan sa, sirang iwan ba mawanra kaikisma.

Isikiel 33:33

Ban sakuna, baha sut ba piua aimakbia; bara ai tânka bribia kasak pali prapit kum kan witin nani tilara.”

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Isikiel 39:6

Pauta klauhan blikamna Magog purara bara lamni ba kabu lamara iwi nani purara. Baku mika ai dara wali banhbia yang sika Dawan sna ba.

Emus 4:2

Dawan Gâd swer takan ai holika lâka dukiara: “Yua nani man nani puramra aula, bara alhnika ni mai alki raski mai brih wabia, luhpiam nani ra lika inska alkaia kiulhka ni alki brih wabia.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Sofonías 2:12

¡Etiopía uplika, man nani sin, Dawan sordka ra pruma!

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

1 Tesalonaika 5:2

Man nani pain kaikisma, Dawan yua ba lika bîla kaikras pali kama ba ra balbia, sim âimplikra kum tihmia ra aula ba baku.

Wihta Nani 18:7

Baha wina waitna nani matsip ba, mahka Lais tawanka tânka pliki kaikaia wan. Witin nani kaikan Lais uplika nani ba Sidón uplika nani iwi ba baku iwi kan, kupia kumi lâka ra, sâp lâka ra, upla wala nani wal war aiklabras kan, witin nani dîa want ba sut bri kan bara diara luha apia kan. Sidón uplika nani wina sin laihura iwi kan, kiamka wala nani ba wal aikuki sin bisnis briras kan bara bisnis daukras kan.