Isikiel 30:8 - DAWAN BÎLA AISKA

⁸ Yabrika kuntrika ba pauta ni angki sauhki tikan kabia bara ya ya tâ baiki ba sut, baku mika ai tânka bri banhbia yang sika Dawan sna ba.

Isikiel 30:8 ပူးပေါင်းရင်းမြစ်များ

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Lawana Nani 58:11

Bâra mika wibia: “¡Aitani pali sa, upla ba kasak kaia ba! ¡Dawan kum bâra sa, tasba aiska ba lâka daukisa!”

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 29:16

Bara Israel uplika ba kli Idsip ra kasak lukbia apia, kan naha mita yarka kaikbia, nahki witin nani aitani daukras kan ba hilp pliki wan ba piua ra. Baku mika tânka bri banhbia yang sika Dawan sna ba.’ ”

Isikiel 29:6

Idsip ra iwi uplika nani sut ai dara walbia, yang sika Dawan sna ba. Israel tawanka ba, ai tâ baikma wisi mai plikan, kuna man ba kayu baku katma:

Isikiel 29:9

Bara upla iwras tasbaya takbia bara upla nani ba ai dara walbia, yang sika Dawan sna ba. Man wiram: Nilo ba yang duki, yang daukri.

Isikiel 30:14

Idsip waupasa tani ba sauhki tiki swimna, Soan tawanka ba pauta ni angkamni, bara Tebas mapara lâka dauki pât ra lakamna.

Isikiel 30:16

Idsip ra pauta klauhan mangkamna, bara Sin ba latwan mita yuswi kabia; Tebas kutbanka ba sauhki tikan kabia, bara Menfis ba kakna pali ra bal rausauhkbia.

Isikiel 39:6

Pauta klauhan blikamna Magog purara bara lamni ba kabu lamara iwi nani purara. Baku mika ai dara wali banhbia yang sika Dawan sna ba.

Emus 1:10

Witin nani baku daukan bamna, Tiro tawanka walpaya kutbanka ba purara yang pauta klauhan blikamna, bara wihta tara nani watla ba sut ambia.”

Emus 1:12

Witin nani baku daukan bamna, yang Temán tawanka uplika nani purara pauta klauhan blikamna, bara Bosrá tawanka ra, wihta tara nani watla sut ba aman kabia.”

Emus 1:14

Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Emus 1:4

Baha daukan ba tâka mita, king Hazael watla nani ba yang angkamna, bara king Ben-hadad watla nani ba sin ambia.

Emus 1:7

Witin nani baku daukan bamna, yang Gaza tawanka walpaya kutbanka ba purara pauta klauhan blikamna; bara baha pata klauhan ba wihta tara watla nani ba sut angkbia.

Emus 2:2

Witin nani baku daukan bamna, yang bui Moab uplika nani purara pauta klauhan blikamna, bara baha pauta klauhan ba mita Queriot tawanka ra wihta tara watla nani ba sut ambia. Bara upla kwâra nani aiklabi, trumpit puhbi bin tara dauki kabia ba tilara Moab uplika nani ba prui banhbia.

Emus 2:5

Witin nani baku daukan bamna, yang bui Juda tawanka purara pauta klauhan blikamna, bara baha pauta kauhan ba mita, Jerusalem tawanka ra wihta tara nani watla sut angkbia.”

Kli Smalkanka 32:22

Yang kupi baiwanka ba pauta baku sa, tasba kau munhta kat sin yang kupi baiwanka ba wabia; tasba bara ai mâ nani saki ba sut ami lubia, unta pâwi takaskan ba kat pauta ami wabia.