Isikiel 30:21 - DAWAN BÎLA AISKA

²¹ “Yang bui king fero klahkla krikri, Idsip kingka ba, bara upla kum sin rakras, blakras sa sin, ai karnika brih kli ai sordka alkaia.

Isikiel 30:21 ပူးပေါင်းရင်းမြစ်များ

2 King Nani 24:7

Baha piua nani wina, Idsip kingka ba kli ai tasbaya wina takras kata, kan Babilon kingka ba bui pura luan bara diara nani bri kan ba sut dakban kata, Idsip tingnika ba wina, laih Éufrates awalka ba kat.

Lawana Nani 10:15

¡Upla watawi nani ba karnika kriks! ¡Watawika daukan ba mana makas aibapbia, diara kumi sin ban takaskbiara!

Lawana Nani 37:17

Dawan mita saurakira nani ba baha kat takaskbia, sakuna Dawan bui upla yamni ba alki buki kabia.

Lawana Nani 89:43

Ai sordka malira ba mihta wina sakram, bara war ra tâ baiki briras kapram.

Aiseya 1:6

Man nani minam bîla wina lamla bahna kat, diara yamni kumi sin âpu sa; baha sut ba, insauhkan baman, prukan baman, taya sukwan baman sa; sîka mangkras, kwala wilkras, batana laiki latwanka ba sin daskras.

Jirimaya 30:13

Upla âpu sa man warkkam daukaia; upla âpu sa insauhkankam ba sîka mangkaia, man rawaia tânka âpu sma.

Jirimaya 44:30

Idsip kingka fero Hofra, witin ra ikaia ai waihla nani aula ba mihta ra mangkamna, Sedequías Juda kingka, Nabucodonosor Babilon kingka, ai waihla ikaia balan mihta ra mangkri ba baku.’

Jirimaya 46:11

“¡Idsip uplika nani, sîka pliki Galaad ra was! ¡Sakuna sîka nani pliki brima ba, man nani ra hilp âpu kabia, sîka âpu man nani mai rakaia!

Jirimaya 48:25

Dawan kasak aisisa: “Moab karnika ba krikan, karnika ba slingban.”

Isikiel 30:24

Bara yang Babilon kingka ra karnika yabamna, bara sordki witin mihta ra mangkamna. King fero klahkla nani ba krikamna, bara witin brukbia, insauhkan ai dahra walbia bara ai waihla nani mawanra.

Isikiel 39:3

Bara pantamangka mihtam smihka ra bri kama ba yabrika kauhbia, trisbaya nani mihtam aihkika ra bri wama ba sin kauhaia daukamna.

Nahum 3:16

Man âiatkrikam nani slilma ailalka kasbrika ra bâra ba baku ailal takan sa (tristrisia nani ba ai taya sins muni mahka pâli lap tiwuya.)

Sakaraya 11:17

¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Param Marikanka 18:21

Bara insal karnakira kum ba walpa kum bukan, baha ba akbaia walpaya tara baku kan; bara kabu ra lulki, naku win: “Babilon, tawan tara ba, sim naha walpaya naku mai batakan kabia, bara upla kumi sin kli mai kaikbia apia.