Isikiel 30:18 - DAWAN BÎLA AISKA

¹⁸ Yang bui Idsip karnika ba sauhkamna ba ra, ai karnika dukiara aimayuni ba danh daukamna ba ra, lapta ba tihmu takbia Tafnes ra; kasbrika kum Idsip pura bikbia, bara ai tawanka uplika nani ba silak ra brih wabia.

Isikiel 30:18 ပူးပေါင်းရင်းမြစ်များ

Impakan Sturka 10:15

Tasbaya aiska ba kruhkru nani mita bikan, tasba pali ba sin sip kaikras kan. Diara pâwi kan ba pi âpu daukan, dus nani lî klaswan mita sauhkras kan nani ba sin sut pin. Tawan aiska ra dus wahia kumi sin âpu kan, unta ra sin dus mâ nani sin sut âpu daukan.

Aiseya 10:27

Baha piua ra ban takbia wirhikam nani pamhpaya ra sunan ba, sakan kabia; namna dusa ra raskaika dusa wilkan ba sin.”

Aiseya 13:10

Baha ba mita slilma nani bara slilma sirpi nani daknika kasbrika purara bâra ba ai ingnika ba sin ingbia apia; lapta ba uli balbia wal baku, tihmu tara iwbia, bara kati ai ingnika ba sin yabia apia.

Aiseya 14:11

Naha kat prautkam lâka ba takaskan bara miusikkam, gitar tara binka ba sin. Man krikrikam ba uba umpira pali sa, man munhtampala ba, liwa nani sa.’

Aiseya 14:25

Asiria ba sauhki tikamna yang tasbayi ra, yang ilki nani ra ba mini ra taibamni; upla ra wirhika kahban dusa ba sakamna, wirhika nani upla pahpaya ra ba sin sakan kabia.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Jirimaya 2:16

Menfis uplika nani Tafnes uplika nani bal lamla baikan.

Jirimaya 27:2

bara witin ra win: “Bîp lal ra mangki dusa ba kum paski awa wilki bara namna ra pams.

Jirimaya 28:10

Baku aisin bara Hananías mita Jirimaya nana wina bîp lal ra wilkaika dusa bri kata ba dakban bara kriki yuya sirpi daukan,

Jirimaya 28:13

“Hananías ra was, bara wis, yang Dawan sna ba, naku wisni: Bîp lal ra wilkaika dusa kum dus ni paskan kan ba man kriki yuya sirpi daukram. Sakuna nanara yang wala kum maikaia ayan ni paski ridi mai daukri sa.

Jirimaya 30:8

Yang, Dawan ba, karnika sut brisna, kasak aisisna: Upliki nani alba lâka ni wilkan ba pri sakamna, witin nani kli tringsar nani albika takbia apia.

Jirimaya 44:1

Ju nani sut Idsip ra Migdol, Tafnes, Menfis tawanka nani waupasa tani ra bâra ba baha nani ra wiaia bîla blikan ba Jirimaya walan:

Jirimaya 46:14

“Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Isikiel 29:15

King lâka kau bahki kabia sut tilara, bara kli bubia sin apia, nisan wala nani purara. Sirpi pali daukamna tâka mita, nisan wala ra taibia apia.

Isikiel 30:23

Idsip uplika nani ba yakabrira daukamna nisan wala nani tilara, baku sin kuntri sât sât nani tilara.

Isikiel 30:3

pat aula ba dukiara; ¡Dawan yua ba pat aula sa! ¡Yua dista dingkan kum kabia, yua saura pali kum nisan nani mapara!

Isikiel 31:18

Eden ra dus nani bâra ba kumi sin witin wal sip prakras kata kulkanka ba bara pâwanka yarika ba wal sin; bara ban sakuna, Eden dusa wala nani wal baku mâyara iwbia, tasbaya tasba munhtara bâra ba kat iwi wabia, idan nani tilara iwaia, upla nani war ra pruan nani ba tilara. ‘Baha dusa tara ba king fero sa ai uplika sut kira. Yang, Dawan, kasak aisisna.’ ”

Isikiel 32:7

Yang mai sauhki tikamna bara yabrika kasbrika ba tihmu takbia bara slilma nani ba ai ingnika ba daskbia; kasbrika wal lapta ba bikamna bara kati ba kau ingbia apia.

Isikiel 34:27

Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

Isikiel 38:9

Man wama dista tara baku, kuntri ba bikaia, bara purara kauhma lâ tara baku suldiarkam sut aikuki bara nisan ailal nani ba wal.

Joel 3:15

Lapta bara kati sin, tihmia tara pali takuya, slilma nani ingnika ba sin tiwuya.

Libait Lâka 26:13

Yang sika man nani Dawan Gâdkam, Idsip wina mai sakri ba. Witin nani albika kaia apia, man nani wirha tara twilki kapram ba puram wina yang kalki sakri bara pri mai daukri kainam kat wapi kaia.

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.