Isikiel 3:17 - DAWAN BÎLA AISKA

¹⁷ “Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Isikiel 3:17 ပူးပေါင်းရင်းမြစ်များ

2 Kronikas 19:10

Ani piua uplikam nani unsabi kaka, tawan bani luhpia nani, bara man nani mamwanra kahban kabia, man nani laki kaikaia upla pruan lâka apia sapa, bara lâ sâtka nani kahbaia, lâ ulbi tawan dukiara sa kaka, nahki alki daukaia lâka bara daukan kabia, maisa paks lâ wina tnaya ra tawi Dawan mapara buaia apia, baku witin kupia baiwbia apia man nani wal bara witin nani wal sin apia.

Yamni Kulki Lawana 3:3

Aihwawakra nani tawan kir tauki ba, aikuki prawri bara makabi walri: “¿Man nani, yang sulki latwan kaiki uplika ba kaikras katma ki?”

Yamni Kulki Lawana 5:7

Aihwawakra nani, tawan kir tauki banhwi ba wal prawri; witin nani ai prukan, wîni ra sin klakan, tawan dimaika durka aihwaki nani ba mita, yang maiwan pura bikaika kwalka ba, uba praut wal kalki sakan.

Aiseya 21:6

Dawan bui yang ra naku ai win: “Was, aihwawakra kum mangks bara witin diara kaiki ba mai wibia.

Aiseya 21:8

Bara aihwaki kaiki kata ba kisban: “Dawan, yang na aihwawakra watla ra, pura wina kaikisni yu aiska, tihmia sin yang aihwaki kaikisna.

Aiseya 52:8

¡Aihwawakrikam nani, ai bîla baikra karna wini ba wals! Witin nani asla taki pura luan winanka wini ba, kan witin nani ai nakra pali ni kaikisa Dawan ba nahki kli Saion ra aula ba.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Aiseya 62:6

Jerusalem, kutbankam nani purara, aihwawakra nani yang swiri kakna ra tihmia ra sin witin nani aisi ban kabia: “Man nani bui Dawan ra puram sunisma ba takaskpara,

Jirimaya 1:7

Sakuna Dawan bui ai win: “Man aisapara uba wahma sma. Yang anira mai blikamna ba, man bâra waia sma, baku sin yang dîa aisaia maikamna ba baha sika aisama.

Jirimaya 31:6

Bamna balbia yua kum aihwawakra nani ba Efraín ilka wina wini kabia: ‘Man nani bal, kaisa Saion ra, wan Dawanka Gâd ra.’ ”

Jirimaya 6:10

Bara yang pana wîri: “¿Ya yang ra ai walbia, bara witin nani ra aisamna kaka, mai sauhkanka na witin nani ra wimna kaka? Witin nani ai kiama ba prakan sa, Dawan, witin nani sip walras sa; witin nani man aisisma ba lamwaska kikisa, aisisma ba witin nani yamni kulkras.

Jirimaya 6:17

Dawan mita tawan ra aihwawakra nani ba swin, bara upla nani ra win: “Winanka daukuya binka ba man nani wals.” Sakuna upla nani ba win: “Apia, yang nani baha daukamna apia.”

Isikiel 11:25

Bara aisari alba nani ra Dawan diara nani ai marikata ba sut.

Isikiel 11:4

Baha mita, yang nini ra smalki wis.”

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Abakuk 2:1

Dawan dîa yang ra ai aisabia ba walaia dukiara bîla kaiki kamna, sim aihwawakra aihwaki kaiki ba baku; yang rangbi aisisna ba dukiara, witin pana dîa ai wibia ba walaia.

Hageo 1:13

Hageo, Dawan bîla dahra aisasara ba, Gâd nina ra witin nani ra aisin: “Yang, Dawan, kasak aisisna: Yang lika man nani wal sna.’ ”

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

1 Korint 12:28

Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani; ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba.

1 Korint 4:14

Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

2 Korint 5:11

Yawan tânka brisa Dawan ra kulkaia ba dîa, baha mita yawan bui upla nani kupia lakaia trai kaikisa. Gâd lika pat yang nani tâinka pain kaikisa, baku bamna brin wan daukisa man nani mita sin baku wan kaiki kama.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

Hibru Nani 13:17

Man nani tâm bri uplika nani ba bîla wals, bara ai adarka nani kat dauki bas. Witin nani sika ris âpu pali sulkam nani main kaiki ba, kan kaikisa ai warkka daukan ba tânka Gâd ra saki aisaia sa. Witin nani bîla walma kaka, ai warkka nani ba liliakira daukbia, sarikira lika apia; kan baku daukma kaka, baha ba man nani mampara hilp kumi sin apia kabia.