Isikiel 29:16 - DAWAN BÎLA AISKA

¹⁶ Bara Israel uplika ba kli Idsip ra kasak lukbia apia, kan naha mita yarka kaikbia, nahki witin nani aitani daukras kan ba hilp pliki wan ba piua ra. Baku mika tânka bri banhbia yang sika Dawan sna ba.’ ”

Isikiel 29:16 ပူးပေါင်းရင်းမြစ်များ

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

Lawana Nani 25:7

sakuna kau tukta kapri, mampara saura nani daukri ba luki kapara, lâ krikri nani ba sin ban âmya ra bri kapara; latwankam lâka tara bara yamnikam lâka ba mita Dawan, yang ra luki bas.

Lawana Nani 79:8

Wan damika nani watawika ba, yang nani ra aibapaia ai kulkpara; ¡lamtwanka aiska ba yas yang nani ra balbia, kan yang nani swapi banhri sa!

Aiseya 20:5

Bara witin nani ai kupia trabil munbia, ai swira sin lukbia Etiopía ra kan bahara bîla kaikanka bri kan ba, bara Idsip ra, ai mayunra kan ba.

Aiseya 64:9

Dawan, ban pali karna kupiam baiki kapara, yang nani upla ikri nani ba sin piu bani ra kupiam yarka krawbiara. ¡Kaiks yang nani uplikam sna!

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Inanka Nani 4:17

Wan nakra nani swapisa, kau tâ baikanka sip balbia apia ya bîla kaiki ba wina; yawan aihwaki ban bîla kaikisa, nisan kum swaki sakaia sip apia ba aula dukiara.

Isikiel 21:23

Kuna Jerusalem mapara naha na dahra aisanka kunin sa, wal pramis nani daukan bamna. Kuna naha na saurka daukan dahra sakanka sa, bara kutbi alki maisa pakan.

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 29:21

“Baha piua ra yabaisna, Israel tawanka ba ai karnika kau briaia, bara man, Isikiel, sip kama aisaia param pali. Baku mika ai tânka bri banhbia yang sika Dawan sna ba.”

Isikiel 29:9

Bara upla iwras tasbaya takbia bara upla nani ba ai dara walbia, yang sika Dawan sna ba. Man wiram: Nilo ba yang duki, yang daukri.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 5:13

“Efraín ai dara walbia, siknis nani ba pat alkan kabia, bara Juda sin ai wîna klahwanka nani ba kaikbia ba ra, Efraín, Asiria kingka tara ra wabia witin hilp makabaia, sakuna king ba sip witin nani ai sikniska ai wîna sukwanka nani ba rakbia apia.

Oseas 7:11

Efraín ba, butku sinska tikan baku sa, sins lâka âpu. Idsip ra hilp makabisa, Asiria ra sin hilp plikisa...

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:9

Man nani aisawan pali takram, Guibeá yua nani ra takan kan ba baku. Sakuna witin nani watawi daukan ba dukiara Dawan lukbia, bara saurka nani mana klala yabia.

Kulki Kaikanka 5:15

Baha sât lâka ba waitnika ba ai maya prîs ra brih balbia, bara barli mâ plawarka sin paun walhwal pura bri balbia, sakuna plawarka ra batana laikaia apia, dus nani mâka sin laikaia apia kîa pain daukaia, kan baha ba tâwan lawan sakripaiska dauki bamna; baha ba sakripais kum daukisa, saurka pura prakan ba param ra sakaia mata.

Hibru Nani 10:17

Bara baha ningkara wisa: “Witin nani saurka nani bara watawanka nani ra sin yang kli lukamna apia.”

Hibru Nani 10:3

Sakuna kau ni, naha sakripais nani mita mani bani yan ai saurka nani ba ai kupia kraukisa,

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.