Isikiel 28:26 - DAWAN BÎLA AISKA

²⁶ Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 28:26 ပူးပေါင်းရင်းမြစ်များ

1 King Nani 4:25

Bara Salaman raya iwan piua ra, Juda bara Israel wal trabil âpu iwi kata, Dan wina Beerseba kat, ai wainka kiwka muhungka kat bara ai kwah damni dusa mununhta kat iwi kan.

Lawana Nani 149:9

baha nani ra ulbi daukan kat munaia: bahmuna kulkanka tara, upla kasakkira nani brisa. ¡Dawan ba mayunan kabia!

Impakan Sturka 29:46

Bara baku witin nani tânka bribia yang sika witin nani Dawan Gâdka sna ba, Idsip wina bri sal sakri witin ai tilara iwaia. Yang sika witin nani Dawan Gâdka sna.

Sins Lâka 14:26

Dawan sibrinkira wan kupia mangki briaia lâka bâra sa, bara ai luhpia nani, ai kanra diara briaia ba bîla kaikaia sip kabia.

Aiseya 17:14

Tutni piua ra, kaiks kupia turbaia lâka baman kabia, sakuna kau yu baiwras ba ra, waihla ba ban bâra âpu sa. Naha sika wan taibi bri nani ba, wan dukia nani dakbi bri ba sin, witin nani rau wan sauhki ba lap tiwbia.

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 29:28

Witin wauhtaya ulbi Babilon kat yang nani ai blikan, bara wan maisa pakisa: Upla nani ba piu wihka bâra kabia; bara witin nani mahka utla mâki iwbia, dus mâ nani sin mangkbia mâ nani ba piaia.’ ”

Jirimaya 30:16

Sakuna ya aiska mai sauhkbia ba aiska sauhkan kabia, waihlam nani ba sut priski brih wan kabia; dukiam nani mihtam dakbi brin ba sin mihta kli dakbi briaia daukamna, dukia na impliki brin nani ba dukia sin implikaia kabia.

Jirimaya 32:15

Dawan karnika sut bri ba, Israel Gâdka ba, naku aisisa: Naha tasbaya ra naika upla nani kli balbia utla nani, wain nasla nani atki briaia.’

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 32:43

Naha kuntrika ra man aisisma upla iwras tasbaya takbia, upla nani âpu bara daiwan nani sin âpu kabia, bara Caldea uplika nani bal tasbaya dukia bribia, tasba nani kli atki bribia.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Isikiel 28:22

Wis: ‘Naku wisa Dawan: Yang, man waihlam kaia param takri, Sidón; man tilamra nina mayunra lâka bukan kabia. Bara man mampara lâmka daukan kabia bara marikbia yang, holikira sna ba lâka; ai tânka bribia yang sika Dawan sna ba.

Isikiel 28:24

‘Israel ba kli pât wauhbia apia, kiaya tatwa bara latwan pali ba misbara ni upla wala nani kîa ba mita kaiki ba. Bara ai tânka bribia yang sika Dawan sna ba.’

Isikiel 34:14

Twi kau pain dakakaia brih wamna, Israel ilka tara nani ra bâra ba. Bahara ris briaia sip kabia bara twi kau auhni nani ba piaia.

Isikiel 34:31

Man nani ba sîpki sma, twi painkira brisna ba sîpka nani sma. Yang sika Dawankam sna. Yang, Dawan, kasak aisisna.”

Isikiel 36:9

Yang kan kahbamna bara yabrika tasba ba baiki mangki kabia.

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Isikiel 38:8

Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.

Isikiel 39:10

Man nani pauta wahbaia insla ra wama apia, unta wina klakaia sin apia, kan baha aiklabaia dukia nani ba pauta baku yus munbia. Baku nanara ai dukia nani implikbia, upla wala dukia implikata ba baku, ai mihta dakbia; witin nani bui upla wala mihta dakbata ba. Yang, Dawan, kasak aisisna.

Oseas 11:11

“Daiwan tnawira nani baku, Idsip wina tatatwi balbia; butku nani baku, Asiria wina balbia; bara daukrika witin nani kli bal ai watla nani ra iwbia. Yang, Dawan, kasak aisisna.

Oseas 2:15

Ningkara ai wainka nasla nani ba kli yabamna, Acor ilka langnika ba witin mapara bîla kaiki kaia durka daukamna. Bahara, witin tiara kan piua ra baku ai aisabia, sim Idsip wina takata baku.

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.

Abakuk 2:8

Nisan nani ba asla taki mampara bubia, bara taibi mai muni dukiam nani ba sut impliki bribia, man mita munram ba baku pana sin mai munbia. Upla ikram, lâ nani krikram, kuntri nani mapara buram, tawan tara nani slingbram, upla nani sin diara daukram ba, baha sut mana mai munka aibapma.

Sakaraya 1:15

Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan.

Kli Smalkanka 12:10

Sakuna piua kum man nani Jordan lui, bara baha kuntrika witin maikaia win ba ra iwma, bara waihlam nani mai kutbi ba wina pri kama, bara sibrin sin mai daukbia apia,