Isikiel 28:14 - DAWAN BÎLA AISKA

¹⁴ Kirubin kum mita main mai kaiki kaia mai swiri, Dawan ilka holikira ra katma, bara slilma nani tilara wapi tauki katma.

Isikiel 28:14 ပူးပေါင်းရင်းမြစ်များ

Impakan Sturka 30:26

Baha batanka ba ni holi pliska bara lâ nani auhbaika watla ba purara laikbia,

Impakan Sturka 40:9

“Bara lal ra laikaia batanka ba bris, holi pliska ra diara wala bâra ba sut ra laikma. Bara wark daukaia dukia nani sut ba sunu daukma, bara holi sakaia pliska kum sunu kabia.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Aiseya 10:15

¿Sakuna, sip sa ki asa ba lukaia witin ba kau tara sa baha uplika witin ra alki bri klaki ba wal? ¿Sâ ba witin kau tara sa ai dara walaia sip sa ki upla witin ra nikbi ba wal? ¡Kîn ba, dus kum sa, bara witin mita sip sa ki upla buki brih waia!

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Isikiel 10:18

Bara baku Dawan prana ba, tempel banhta wina pura tani ra uli kata, bara kirubin lilka nani ba purara aimakata.

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Jan 11:51

Bamna Keyapas lika naha na, witin ai kupia wina aisaras kata; sakuna baha manka ra witin ba prîs tara aimaki kan bamna, Gâd mita yan baha dahra aisin, nahki Jisas ba Ju nani nisanka aiska ba tâwan pruaia sa;

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Param Marikanka 18:16

bara naku wibia: “¡Alai, alai, tawan tara ba mapara saura pali sa! Mairin kum linin kwalka painkira dimi bara kwala balianta talia pauni wal dimi baku kan, bara gul ni, walpa manakira nani bara walpa klauhira nani ni ai wîna tara ba skahki kan.

Param Marikanka 9:17

Baha diara aihka kaikri ba ra, aras nani bâra kan bara âiulra nani ba sin; aras uli nani ba ai lama prakaika bri kan ba lika pauta klauhi baku kan, blu jasint baku kan, bara lalahni sim sulpa baku kata. Araska nani lal ba lika layan lal baku, bara ai bîla nani wina pauta, kiasma bara sulpa sin taki kan.