Isikiel 27:33 - DAWAN BÎLA AISKA

³³ Kabu un ra atkaia dukia nani aula ba ra, nisan ailal pali ra ai âuyapah yabi kapram. Yuyaka ailal pali bara diara daukan ailal ba, tasba kingka nani ra yuyakira dauki kan.

Isikiel 27:33 ပူးပေါင်းရင်းမြစ်များ

Isikiel 27:3

Tiro ba dukiara, baha tawanka kabu ra taki auya bara nisan nani wal diara atki ba, kabu lamara tawanka ailal nani wal. Wis Dawan ba naku wisa: ‘Tiro, man ba, mamyunisma man aimakaia butka pranakira ba ra kasak sma wisi.

Isikiel 28:16

Atkaia dukia ailal brisatma ba wal, aibanhwan takram sa, saura lâka bara taiban lâka nani ni. Bara yang maiwan wina mai kangbri; Gâd ilka ba wina kangbi mai sakri, bara kirubin main mai kaiki kata mita, slilma nani tila wina mai sakan.

Sakaraya 9:3

Tiro uplika nani utla karna nani mâkan, gul, silbar bara slaubla baku ailal kuki brisa.

Param Marikanka 18:19

Ai lal nani purara yamhpus mangkan, bara ini sari taki, naku ai pura wini kan: “¡Alai, alai, tawan tara ba mapara saura pali sa! Ai yuyaka ni kabu ra slaup nani bri kan ba sut yuyakira takan; ¡bara aihni pali witin ba pat sauhki tikan sa!”

Param Marikanka 18:3

Kan upla sut ai rugka lâka saura wainka karna ba dih bla taki banhwan. Naha tasba kingka nani sut witin wal tâski lâka daukan, bara tasba ra diara âiatkra nani ba lika, witin ai yuyaka ailal tanis tiki kan ba wina lalahkira nani takan.”