Isikiel 26:17 - DAWAN BÎLA AISKA

¹⁷ Bara witin nani lika upla pruan bikaia lawana na aiwani maikbia: ‘¡Nahki muni man na naku mai sauhkan, nahki muni kabu wina lap tiwram, upla mai kakaira tawanka! Man, uplikam nani aikuki, karna pali katma ba kabu ra; kabu aiska ra upla sibrin tara mangkatma ba.

Isikiel 26:17 ပူးပေါင်းရင်းမြစ်များ

2 Samuil 1:19

“¡Alai, Israel, man nani pramna ba ilkam nani tilara insauhkan! ¡Tahplukam nani nahki kauhan ba!

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Aiseya 23:4

Sidón, swiram tara bris, kabu karnika tara sma ba, kan man wiaia sma: “Luhpa baikaia latwanka yang briras sna, yang luhpa kau baikras sna. Luhpa waitna pakaia âpu sna, luhpa mairin smalkaia sin âpu.”

Aiseya 23:8

¿Ya naha lâka na naku Tiro purara daukan, witin sika king tawanka kata ba, ai wihtka tara nani ba, diara âiatkra nani kan, witin ai dukia âiatkra nani ba, tasba ra upla tara karna nani kan ba?

Jirimaya 48:39

¡Man nani Moab pura mata ini banhs! ¡Sibrin tara daukisa! Swira tara takan ai nina tawi wan ai lamara iwi nani ba sut nakra ya pain apia, saura kaikisa.

Jirimaya 50:23

¡Babilon ba, tasba aiska amarka kan, nanara lika kriwan, yuya lupia baman takan! ¡Babilon ra baku takan ba nisan nani mita aihka saura kaikisa!

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Jirimaya 9:20

Mairin nani, Dawan aisi ba wals, ai smalkanka nani ba aman wals. Luhpiam mairin nani smalks nahki inaia, uplikam mairin nani ra sin naku pura mata inaia smalks:

Inanka Nani 1:1

¡Tawan tara yakan pali takan na, blasi upla ailal pali kata ba! ¡Nanara piarka baku takan sa, witin nisan nani tilara tawan nani kiapitalka kata ba! Tawan nani tilara witin king luhpia mairin baku kan, nanara alba mairin takan sa.

Isikiel 19:1

“Man, upla luhpia, naha prura lâwanka na, Israel kingka nani ra aiwans:

Isikiel 19:14

Tnawa wina pauta klauhan kum takisa, slaunhka urhwi ba ra mâ ba âpu daukisa. Tnawa karna kau âpu sa, king iwaika takaia.’ ” (Naha prura lâwanka sa, bara prura nani dukiara baku kabia.)

Isikiel 32:16

“Naha na prura lawana kum sa, bara baku aiwani banhbia mairin nani nisan sât sât wina ba, Idsip bara ai uplika ailal ba pura mata inbia piua ra. Yang, Dawan, kasak aisisna.”

Isikiel 32:2

“Naha prura lawana na, king fero Idsip kingka ba lawana aiwans: ‘Nisan nani layanka kum baku sma; kabu ra daiwan saura tara baku sma: awalkam ba buhutni daukisma, minam wal laya ba buhutni daukisma bara aubra ba blakisma.

Isikiel 32:23

Biki banhwan sa raiti pakni ra. Ai suldiarka nani ba sirang tara ikan kau raya nani ra; sakuna war ra pruan nani ba nanara Asiria raitika ba kir brisa.

Isikiel 32:27

Bikras sa, piua luan ra kulkan tara bri kan uplika nani bikan ba tilara. Ai aiklabaika dukia nani prura kingka lâka ra brih wan ba, bara ai sordka ai mihta ra bri ba, bara ai kan kahbaika, ai lama prâka, baha ningkara sibrin lâka tara yaban raya nani ra.

Joel 1:18

¡Daiwan uhbi ba baku! Bîp nani ba, bahki ra wataukisa twi pliki, sîp daknika ba sin sut pruisa.

Abdías 1:5

“Âimplikra nani tihmia ra bal dukiam nani implikan kata sin, dukiam nani sut pali briaia apia kan; wain mâ dakbi uplika nani man ra balan kan kata, tila mâ nani kau tnawa nani ra swiaia kan. Ban sakuna waihlam nani balan ba lika, dukiam nani kumi sin swiras, sut pali aihwa brin.

Miqueas 2:4

Baha piua ra, upla nani bui man nani ra lawana ulbi aiwanan kabia, yahwi inanka baku. Mai wi banhbia: ‘Yawan na aiska pali wan sauhki tikan sa; Dawan bui wan tasbaya wankan kan ba, witin ai prapatika, wan mihta wina dakbi brin, upla kum sin bûi tâwan aisaras kan; bara alba wan bri uplika nani tilara wan tasbaya nani ba yui yan.’ ”

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Jasua 19:29

Ba wina Ramá bâk kir tawisa, bara tawan tara nani karnakira daukan ba, Tiro ra, ban Hosá tani wata, Mediterráneo kabuka bâk. Mahaleb, Aczib,