Isikiel 26:10 - DAWAN BÎLA AISKA

¹⁰ Babilon kingka ba durkam bâk dimbia ba ra, tawan kum purara kauhan ba baku, aras ailal kira aikuki, puram aiska bikbia, pukpuka bukuya ba wal; kutbankam nani ba tatatbia, wagin bara aras uli aula binka nani ba wal;

Isikiel 26:10 ပူးပေါင်းရင်းမြစ်များ

Jirimaya 39:3

Babilon kingka watla ra wihta nani ba, Nergal-sarézer, Samgar-nebó, Sarsequim, kli wihta tara wala Nergal-sarézer sin, witin nani tawan lilara getka ba ra dimi takaskan, wihta tara nani ba sin.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 47:3

Aras nani plapi ba walbia, wagin nani taya binka ba wilwaika nani pruki ba binka sin, aisika nani karnika âpu takbia, ai luhpia nani ba lulki swibia.

Isikiel 23:24

mampara balbia; wagin nani ailal bara suldiar kwâra tara; plis sât sât wina bal mai kutbia; bara ai lal prakaika bara kaina kahbaia sin, yang mita raitka yabamni lâmka daukaia, bara witin nani lâmka daukbia dîa ai lâka natka ba kat.

Isikiel 26:15

“Yang Dawan sna ba, Tiro ra wisni: Kabu kuntrika nani ba naha kauhaia ba binka wali tatatwi kabia, baha insauhkanka upla nani iki tikanka ba dukiara, inanka nani ba tilara.

Isikiel 26:7

“Yang Dawan sna ba, aisisni: Yahbra wina yabrika balbia Nabucodonosor ba, Babilon kingka; king kau karnakira ba, Tiro purara kauhan kabia dukiara. Aras nani wal balbia, wagin nani, bara aras ra âiulra nani balan kabia, baku sin suldiar daknika ailal kira aikuki balbia.

Isikiel 26:9

War aiklabaika dukia wal kutbanka krikbia, bara ayan ni tawerkam ba pruki krikbia.

Isikiel 27:28

Duri tara ra wark taki nani kisbanka wal, ripka nani ba tatatbia.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,

Jasua 6:5

Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”