Isikiel 25:6 - DAWAN BÎLA AISKA

⁶ ‘Yang Dawan sna ba, naku wisni: Man nani, Amón uplika nani, mihtam takbi bara srutwi lilia takram; bara Israel ra bahki kulkram.

Isikiel 25:6 ပူးပေါင်းရင်းမြစ်များ

Job 27:23

Bara pâsa ba mita ai nina blîkbia, bin tara bara warbanka wal.

Job 34:37

Job na upla saurakira baman apia, sakuna kiamapara sa, yawan nani wan mawan kat Gâd lawaska kikisa, bara witin ra aisaia wisi, mapara aisisa.”

Sins Lâka 24:17

Waihlam kumi kauhbia ba ra, lilia taki lilia tara daukpara; witin sin ai mina pruki ba ra man âmyapah takpara.

Jirimaya 48:27

Moab, ¿Israel ba âimplikra kum baku, saura kaiki kabia piua bani ra lawaska kiki kapram apia?

Inanka Nani 1:7

Jerusalem ai kupia kraukisa baha yua nani kata ba, yakan bâra takaskan bara sari baman kan; ai kupia ra lukisa nahki yuyaka ailal bri kata ba dukiara piua luan nani ra; ai kupia kraukisa waihla nani mihta ra kauhan piua ra, bara upla kumi sin waras kan hilp munaia, ai waihla nani kaikan bara lawaska kikan ai kauhanka ba dukiara.

Inanka Nani 2:15

Baha nani yabal ra lui nani ba, ai mihta pruki kira ni puram winisa; Jerusalem pranakira ba dukiara, wasbi, ai lal wauhi pura wini aisisa: “¿Naha tawanka apia ki, tasba aiska ra kanra pranakira sa wi kata ba?”

Isikiel 25:15

“Yang Dawan sna ba, naku wisni: filisteo nani ba pana munaia lâka daukan, ailal saura takan, ai kupia misbara tara wal; ban kaia ra ai waihla baku Israel mapara, sauhki tikaia kat brih wan.

Isikiel 25:3

Wis, Dawan ai bîla witin nani ra aisi ba walbia: ‘Man nani liliakira wini banhram, tempelki tâski dauki kan ba ra, Israel kuntrika sauhki tikan ba ra, Juda uplika nani ba upla iwras tasbaya ra brih wan.

Isikiel 35:15

Man lilia takram Israel mita kuntri wala nani dakbi ai dukia bri kan ba sauhkan ba ra, sakuna man nani ra sin baku takbia: Man upla iwras tasbaya takma, Seír ilka, Edom kuntrika. Baha ningkara ai dara wali banhbia yang sika Dawan sna ba.’

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Isikiel 6:11

Dawan bui ai win: “Man mihtam pruki minam tingbi ins; wini ins Israel watawika lâka saura daukan latwanka ba mita, war, plun wahwan bara siknis nani tâka witin prubia.

Abdías 1:12

Man muihkam sari lâka tara ra kauhan ba kaiki baha yua ra lilia takaia apia kapram. Juda sauhki tikan yua ba, baha kaiki lawaska kikaia apia kapram. Witin nani ai sarka tara bri kan yua ba man lawaska kikaia apia kapram.

Nahum 3:19

¡Sîka âpu, wînam insauhkanka nani ba yukaia! ¡Wînam sukwanka nani sukwi ba rakaia saika âpu sa! Bamna ya man sturkam walbia ba, witin ai mihta pruki puram wini kabia. Kan, man saura daukaia warkka nani daukram ba, ¿ya pali ra baha saurka tâskika ba alkras sa ki?”

Sofonías 2:10

Moab bara Amón wal sika naha ai mana bribia, Dawan uplika nani ra swira daukan bamna, bara Dawan uplika hilpka wal tara takan bamna, Dawan karnika aiska bri ba.

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Sofonías 2:8

Karnika sut alki bri Dawanka, Israel Gâdka ba, naku aisisa: “Moab uplika nani mita upla nani swira dauki kan ba walri. Amón uplika nani mita sin saura muni kan ba kaiki, witin nani upliki nani ra swira daukan, upliki nani tasbaya ra iwi, witin nani tara takan. Yang raya ban sna bamna swer taki aisisna: Sodoma uplika ra dîa takan ba baku, Moab ra takaia, Amón uplika nani ra sin, Gomora ra dîa takan ba baku takbia. Kiaya nani pâwaika langnika bara sâl sakaia tasbaya sin takbia; plis kum ban kaia ra yakan takaskaia ba. Upliki nani pruras swak takan kabia nani ba, bal dukia nani ba brih, bâra ai tasbaya ra iwbia.”