Isikiel 25:14 - DAWAN BÎLA AISKA

¹⁴ Edom ra pana munaia lâka daukamna, tawanki Israel ba wal; witin mita kupi baiwanka bara kupi aisawanka wal mapara bubia. Baku ai dahra wali banhbia, pana munaia lâka daukisna ba. Yang, Dawan, kasak aisisna.

Isikiel 25:14 ပူးပေါင်းရင်းမြစ်များ

Blasi Sturka 27:29

upla nani man dukiam daukbia; nisan nani sin man mamwanra bawbia, man muihkam nani pura wihtka aimaki kama, bara witin nani man mamwanra bawbia. Saura mai wibia uplika ba ra pana saura win kabia; yamni mai wibia ba uplika nani ra; yamni munan kabia.”,

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Jirimaya 49:2

“Bamna baha aitani, yang, Dawan ba, kasak aisisni: Baha yua balbia ba ra yang daukamna Rabá Amón uplika nani tawanka ba war aiklabi winanka ba walaia; slingwan nani paskanka tara kum takbia, upla nani ba pauta buki klahkla ra ambia. Bara Israel luhpia nani bal ai tawanka nani kli bribia. Yang, Dawan, kasak aisisna.

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Isikiel 25:17

Saura pali witin nani ra pana munamna, kupi baiwanka wal klala yabamna. Baha piua ra naku daukamna ba ra, ai tânka bribia, yang sika Dawan sna ba.”

Isikiel 35:11

Sakuna yang, Dawan, rayaki ni swer takisni, yang bui man ra sin kupi baiwanka ra baku mai munaisna, tuman lâka ni misbara lâka ni Israel ra munatma ba baku. Yang klala maikamna ba ra, witin nani ai dahra wali ai kaikbia.

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”