Isikiel 24:8 - DAWAN BÎLA AISKA

⁸ Yang baha purara swimna tala ba, walpa lipni ba purara, baku natka ra sip pura prakras kabia, kupi sauhkanka ba lapta takbia bara kasakka lâka daukbia.

Isikiel 24:8 ပူးပေါင်းရင်းမြစ်များ

2 King Nani 22:17

Kan yang ra ai swi si, gâd bahki nani ra kîa yamni nani angki yabi kan, baku kupi uya sauhkan, ai mihta warkka nani daukan ba wal. Bamna yang latwanki ba witin nani mapara sa, bara sin sip pali dasbia apia.

2 King Nani 24:4

baku sin tala pâtkas Jerusalem ra laikan kan ba tâwan. Baha mita Dawan bui naha pâtka kau ban swih tikras kata.

2 Kronikas 34:25

Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Jirimaya 7:18

Luhpia nani ba pauta wahbisa, aisika nani pauta ba mukisa, bara yaptika nani ba plawar ba akbi plitas nani daukisa, gâd mairin Kasbrika purara Kwinka ba ra yaia. Baha dauki mini prukisa, bahara wain prisantka yabisa, baha purkara sin, witin nani kakaira apia ba gâdka ra wain prisantka ba yabisa.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Isikiel 22:4

Iki yakabram nani ba tâka pâtkira sma, bara aidul nani paskram ba wal tâski takram; yabram awarkam ba kau lamara balan, bara yabram yuam tnata balan. Baku bamna, yang yabrika tawan nani ba mai lahtubia, bara nisan nani sut lamwaska kikbia.

Isikiel 23:45

Sakuna upla kasakkira nani mita witin nani bui witin dîa briaia ba marit lâka sasauhkra nani upla âikra nani mapara lâka dauki pât ra lakbia. Kan witin nani ba marit lâka sasauhkra mairka nani, bara mihta nani ba tala ni yukan sa.”

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Sofonías 1:17

Dawan ba kasak aisisa: “Upla nani ra yang aihni munamna, nakras baku tauki kabia, kan witin nani maipara saura daukan bamna. Upla tâlia ba lî laiwi baku kabia, wîna tara ba daiwan tâskika baku pura-pura paski swin kabia.”

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Param Marikanka 18:16

bara naku wibia: “¡Alai, alai, tawan tara ba mapara saura pali sa! Mairin kum linin kwalka painkira dimi bara kwala balianta talia pauni wal dimi baku kan, bara gul ni, walpa manakira nani bara walpa klauhira nani ni ai wîna tara ba skahki kan.