Isikiel 24:6 - DAWAN BÎLA AISKA

⁶ ‘Kan Dawan ba wisa: ¡Saura pali kabia upla âikra tawanka ba! Dikwa kum bîla puputka alkan ba baku sa, bilara puputka ba sakras sa. Man, kumi kumi sâks wîna lupia nani ba dakawa ba bîla baman sâkma ba kat.

Isikiel 24:6 ပူးပေါင်းရင်းမြစ်များ

2 Samuil 8:2

Moab uplika nani ra sin pura luan, bara yan witin nani sut tasba ra aitnikan, bara kulki kaikaia kiwka brih kulki kaikan: kiwa wâl kulkanka bilara aimakan ba, ikaia pâtka ra lakan, kiwa kumi kulkanka bilara aimakan ba, ikras swin. Baku Moab uplika nani ba sin yan Debit ra bawan, bara ai lal mana sin aibapaia kan.

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

2 King Nani 24:3

Juda mapara naku takan, Dawan ba pat aisan kan bamna, kan Manasés saurka daukan ba mita naha uplika nani ba ai lama wina sakaia kan,

2 King Nani 24:4

baku sin tala pâtkas Jerusalem ra laikan kan ba tâwan. Baha mita Dawan bui naha pâtka kau ban swih tikras kata.

Jirimaya 2:22

Tâski pali sikbaika ba ni tamya ba sikma sin, sup nani sut brih aihtama sin, saura daukram tâskika ba kaiki ban kamna. Yang, Dawan, kasak aisisna.

Jirimaya 6:29

Angkaia payaska puhbaika ba karna pali puhbisa, pauta klauhan ba mita lit ba slilkisa. Sakuna slaslilkra nani ba bahki pali wark takisa, tâskika ba sip angki sakras, watawikira nani ba sip âpu takras.

Isikiel 11:11

Tawan ba man nani dakawam baku takbia apia, man nani sin wîna takma apia. Yang bui man nani lâmka daukamni Israel tasbaya piarkika ra.

Isikiel 11:3

Aisi banhwisa: ‘Watla nani kli mâkan ba wina uya wihka pali apia sa. Nahara yawan swak takan lâka ra sa, wîna dikwa bilara ba baku.’

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 22:2

“Man, upla luhpia âikra ba mapara lâka daukaia sma tâwan, upla ai diara saura daukan nani sut ba dahra sâkma.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 22:3

Bara man wima: ‘Naku wisa Dawan ba: Tawan, man nani uplikam ra ikisma ba, aidul nani paskisma tâski takaia dukiara, ¡awarkam ba pat balbia!

Isikiel 24:3

Naha uplika nani maipara babura na ra dahra prakan sturka kum wis, baha ra kaiki kaia. Yang bîli wis: ‘Dikwa kum pauta ra mangks bara lî laiks.

Isikiel 24:9

‘Kan Dawan ba wisa: ¡Alai, baha tawanka upla âikra ba! Yang pali mita pauta mukuna.

Joel 3:3

Lat lulki kaiki, yang upliki nani ba yui brin, tuktan waitna nani bara tuktan mairin nani ba atkan, ningkara lalahka nani ba rug mairin nani wal yapaia mana brin, bara wain diaia nani ra yus munan.

Abdías 1:11

Waihla nani bal tawan bilara dukia kukanka nani ba impliki kan ba ra, suldiar nani kuntri wala wina bal Jerusalem tawan getka ba kriki kan ba ra, ¡man muihkam tâwan aisaras tnaya ra tawram! Diara nani witin nani brin ba lat lulki kaiki ai mânka tilara yui brih wan, ¡bara man sin witin nani daukan ba baku daukram!

Jona 1:7

Duri ra wark taki nani ba lika ai tilara aisi banhwi kan: —Kaisa lat lulki kaikpi, baku lika ya pâtka mita naha trabilka tara wan alki na yawan kaikbia. Witin nani lat ba lulkan bara pât ba Jona ra kauhan.

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Nahum 3:1

¡Tala lalaikra tawanka, diara saura pali man ra takbia! Saura munan lâka ni aibanhram sa, baku sin kunin munaia lâka bara implikaia lâka brisma ba tnata âpu ban kabia.

Nahum 3:10

Ban sakuna, baha karnika sut bri kan ba wal Tebas ba ban priski alki, alba takaia brih wan; tawan yabalka tara nani un ra ai luhpia nani ba, lulki sabi iki kan; tâ uplika tara nani kan ba yaura swiaia sapa kaikaia dukiara, ai tilara lat lulki kaikan, bara alki priski brih wan nani ba sut ra silak ra mangki swin.

Matiu 23:35

Bara baku sika man nani puramra pât kauhbia, upla yamni nani sut upla mita ikan nani tâlia ba, Abel kasakkira ba wina Berequías luhpia Sakaraya ba kat, witin ba man nani mita tempel altar wal lilapas kat ikram.

Kli Smalkanka 23:13

Aiklabaia dukia nani tilara dus tatwa sin kum brih waia sma, latara wan mai daukbia ba ra, dusa ba ni unta kum salhki, bahara danh takma bara dusa ba ni tâskika ba kiaubi praki swiaia.

Jasua 10:22

Bara Jasua bila win: “Walpaya untika ra dimaika prakan ba bukuts, bara kingka nani matsip ba sâks.”

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Param Marikanka 18:24

Kan baha tawanka ra sika, Gâd prapitka nani tâlia, Gâd uplika nani tâlia sin bahara kaikan bamna, naha tasba ra ikan nani tâlia ba sin sut.