Isikiel 24:24 - DAWAN BÎLA AISKA

²⁴ Isikiel ba man nani mampara smalkanka kum kabia, bara dîa dîa witin daukan ba sut, man nani daukma. Naha takbia ba ra, tânka bri banhma yang sika Dawan sna ba.

Isikiel 24:24 ပူးပေါင်းရင်းမြစ်များ

Aiseya 20:3

Bara Dawan bila win: “Yang duki dadaukra Aiseya ba mani yumhpa sûs âpu bara ai prâka tara ba dimras tauki kan, Idsip bara Etiopía wal mapara sain baku mariki kan.

Aiseya 8:18

Yang, yang luhpi nani sin Dawan wina aikan ba, Israel luhpia nani ra sain aihkakira kaia ba dukiara sa, Dawan, karnika sut bri ba mita ai mangkan sa witin Saion ilka ra iwi ba.

Jirimaya 17:15

Upla nani ai wisa: “¿Dawan aisinka nani kata ba dîa takan? ¡Diara taki aisin ba nanara mahka takbia!”

Isikiel 12:11

Wis man ba witin nani mapara maisa pakaia tukinka kum sma, bara daukaia kabia dîa man nani daukram ba baku, kan alba lâka ra brih wan kabia.

Isikiel 12:6

Bara tihmia iwbia bara sin, dukiam nani ba pamhpaya ra suns bara mamwan praki upla sut mai kaiki kaka brih taki was. Tânka lika man ani kuntrika ra auma sapa kaikras. Yang brinki sa man ba bin dauki kaia tukinka kum kama Israel luhpia nani ba mapara.”

Isikiel 17:24

Bara dus nani sut ai dahra walbia, yang sika Dawan sna ba. Yang ba dus kwakwalhra ra batakisna bara dus sirpi ba yabri pâwisa. Yang dus kura ba yâri lâwisa, bara yabri dus lâwan ba kli sangni takisa. Yang, Dawan, baku wisni bara daukisna.’ ”

Isikiel 20:44

Israel luhpia nani, yang bui man nani ra dîa mai munri ba, saurkam dukiara lika apia, natkam saura nani dukiara sin apia, kuna yang nini kulkanka tâka, baha ningkara tânka bri banhma, yang sika Dawan sna ba. Yang, Dawan, kasak aisisna.’ ”

Isikiel 25:11

Moab mapara lâka daukamni, bara baku witin nani ai dara walbia yang sika Dawan sna ba.

Isikiel 25:14

Edom ra pana munaia lâka daukamna, tawanki Israel ba wal; witin mita kupi baiwanka bara kupi aisawanka wal mapara bubia. Baku ai dahra wali banhbia, pana munaia lâka daukisna ba. Yang, Dawan, kasak aisisna.

Isikiel 25:17

Saura pali witin nani ra pana munamna, kupi baiwanka wal klala yabamna. Baha piua ra naku daukamna ba ra, ai tânka bribia, yang sika Dawan sna ba.”

Isikiel 25:5

Rabá ba kiamil nani piaika twiya daukamna, bara Amón ba sîp nani tasbaya ra lakamna. Baku mika man nani damra walma yang sika Dawan sna ba.

Isikiel 25:7

Baku bamna mihti man nani ra bukamna klala maikaia; bara nisan nani mihta ra mai mangkrika, dîa brisma ba sut mihtam dakbia dukiara. Tawan nani tila wina mai sakamna, nisan nani tila wina mai tikamna, aiska pali mai sauhkamna. Baku damra walma yang sika Dawan sna ba.’

Isikiel 4:3

Baha ningkara ayan ni kaupin kum Jerusalem lilka ba bahara man bâra sma ba wal lila kat paskma, tawan kutban tnaya baku, bara man tawan ba mawanra bus, man mita aiklabisma baku prais. Baha ba Israel luhpia nani ra smalkaia lilka kabia.

Isikiel 6:7

Bara pruan nani ba man nani tilamra ailal pali kauhan kabia; bara damra wals yang sika Dawan sna ba.

Isikiel 7:27

King ba sari kwalka dimbia, wihta tara ba sari lâka ra kauhbia bara tawan uplika ba tatatbia. Ai daukanka ba kat munamni bara lâka daukamni, witin nani nahki praiska lâ daukan ba. Baku ai dara walbia yang sika Dawan sna ba.”

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Luk 21:13

Naha na man nani mampa ra sans kum kabia, yang dukira witnis aisaia.

Jan 13:19

Kan manis wina naha mai wisni, bamna baha ba takbia ba ra, man nani kasak lukma: Yang sna ba Yang sika.

Jan 14:29

Naha mai wisna na, piua kau na ra baku takbia, bara man nani kasak lukma.

Jan 16:4

Naha diara na mai wisna, bara baku mika baha piua ba balbia ba ra, kupiam krauki kama baha dukiara yang pat mai wîri sa. “Tâ pali wina naha diara na mai wiras kapri, kan yang lika man nani wal katna.