Isikiel 24:21 - DAWAN BÎLA AISKA

²¹ ‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Isikiel 24:21 ပူးပေါင်းရင်းမြစ်များ

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

Lawana Nani 105:4

Dawan ba pliks, ai karnika ba sin; piu bani Dawan ba pliks.

Lawana Nani 132:8

Buram, Dawan, lâ auhbaia watla karnakira ba wal, bara bal il ra man bahara ris briaisma ba.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 74:7

Man wal prawaia watla kata angkan luan; tempelkam kata ba sin bahki kulkan, bara tasba kat bataki yakaban.

Lawana Nani 79:1

¡Man Gâd, diara nani bri katma sut idan nani dakbi brin! Tempelkam holi ba tâski dauki banhwan bara Jerusalem sut sauhki tikan.

Lawana Nani 84:1

¡Nahki painkira sa man wamtla ra kaia ba, Dawan karnika sut brisma ba!

Lawana Nani 84:3

Plipli bara tininiska nani altarkam ra plis sakisa, bahara ai watla mâkaia bara ai luhpia baikaia, man, Gâd karnika sut brisma ba kingki bara Gâdki.

Lawana Nani 96:6

¡Ai mawanra ingni tara bâra sa! ¡Karnika bara kupia painka prana bâra sa, Dawan wal prawaia watla ra!

Aiseya 65:11

Sakuna Dawan wina man nani laihura dakwi takisma ba, yang ilki holikira âmya tikisma ba, Gad bara Mení ra man nani plun bara wain laya sin bri sal mayunisma, yuyaka nani dawanka ra.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Jirimaya 7:14

Baha mita, yang pliski holikira Siló ra dîa munatna ba baku, naha tempelka mâki aikan na ra sin daukamna, naha tempelka man nani ra maikri na baha damikam nani ra yabri ba, man nani bahara kasak lukisma ba.

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Inanka Nani 1:10

Waihla nani dawanka takan sa Jerusalem yuyaka bara prana nani kata ba sin. Upla nani ba kaikan idan uplika nani, Dawan wal prawaia watla holikira ra ai karnika wal diman ba, ¡Dawan, man baha nani uplika ra adar yabatma man wal asla prawaia pliska ra dimbia apia, baha uplika nani sika diman ba!

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Isikiel 23:25

Yang kupi lawanka tara ra kupi baiwanka blikamni, bara witin nani mita kakmam, kiamam nani ba klakbia, bara baha nani tâka raya swin nani ba, sord malika ra ikan kabia. Luhpiam waitna bara mairin nani ba mihtam dakbi brih wabia, baku ba ra pauta lapta ra kauhbia bara âpu takbia.

Isikiel 23:47

Upla nani sut ba walpa ni sabi ikbia, bara sord malika ba wal sabi tâ walak sâks; luhpia waitna nani bara luhpia mairin nani ba iks, bara watla nani ba sin angks.

Isikiel 24:16

“Man kau want sma uplika ba man wina mahka sakaisna. Sakuna man sari bri inpara, namkra laya sin sâkpara.

Isikiel 24:20

Yang mita wîri: “Dawan ba yang ra balan bara ai win:

Isikiel 24:22

Bara wis: Man nani sin, yang daukri ba baku daukma: lamla srungkpara sari wisi, bara baha piua ra pi ba pata sin pima apia.

Isikiel 24:25

‘Bara Israel uplika nani ra karnika ba dakbi sakamna, baha sika tempelka ba, prana tara ba dukiara upla ailal ai liliaka brisa kaikaia lihki ba, bara latwan kaiki ba. Baku sin luhpia waitna bara mairin ba mihta dakbamna.

Isikiel 33:28

Kuntri ba upla iwras tasbaya kum sauhki tikan ba baku ra laki swimna, bara ai karnika dukiara ai mayunanka tara bri ba sauhkamna. Israel ilka tara nani ba, upla iwras ilka nani takbia; upla kum sin bâk lubia apia.

Isikiel 7:24

Yang mita yabrika upla tahplu nani balbia bara tawan watla nani dawanka takbia. Karnira prautka lâka nani ba danh daukamni; yabrika pliskam holikira nani ba tâski daukan kabia.

Isikiel 9:7

Baha ningkara witin nani ra win: “Tempel ra was bara tâski dauks; pruan nani wal kutbanka painkira ba banhks.” Witin nani taki wan bara tâ krikan tawan ra upla ikaia.

Daniel 11:31

‘Suldiar nani bui tempel ba sauhki tiki bahki kulkan, baha karnika ba sin yu bani Gâd ra sakripais yaia lâka ba kli daukbia apia win, baha watlika ra saura lâka ni daukbia lâ mangkan.

Oseas 9:16

Efraín ba insauhkan sa; dus kum wakia nani lâwan ba baku mâ nani kau sakras takaskan. Witin nani ban luhpa baikbia kaka, luhpia nani ba, yang bui ikamna.”

Libait Lâka 26:19

Man nani silp mamyuni kaia lâka brima kaka, pîs lupia nani ra mai krikamna, kasbrika lî maikbia apia, tasba sin mâ maikbia apia.

Malaquía 2:12

¡Baku dauki uplika nani ba, ya ya kabia sin, sakuna Dawan karnika sut alki bri ba ra, sakripais daukaia brih balbia sin, Dawan mita Israel tila wina âpu daukaia kan si!