Isikiel 24:18 - DAWAN BÎLA AISKA

¹⁸ Titan ra upla aikuki aisi katna, bara tutni ra mayi ba pat pruan; titan wala ra, Dawan dîa ai win ba kat daukri.

Isikiel 24:18 ပူးပေါင်းရင်းမြစ်များ

Isikiel 12:7

Yang duki nani ridi daukri, nahki Dawan mita adar aikan ba kat; bara witin wal taki wari kakna yu klir ra, sim upla kum alba lâka ra auya baku. Tutni tawan taim, kutbanka bara unta kum daukri yang mihti ni; tihmia iwan ba ra, upla sut nakra ra diara nani ba paihpaya ra suni brih, baha bâk taki wari.

Isikiel 24:16

“Man kau want sma uplika ba man wina mahka sakaisna. Sakuna man sari bri inpara, namkra laya sin sâkpara.

Isikiel 24:17

Yukuwan ra sari taks, kwala siksa dimpara. Upla pruan nani pura mata dauki ba baku daukpara. Lamla srukras bara sûs sin âpu taukpara; mamwan sin bikpara sari sma wisi, plun sin pipara baha piua ra pi pata ba.”

Isikiel 24:19

Baha ningkara tawan uplika nani ai win: “Tânka wan wis, daukisma ba dîa tânka sapa.”