Isikiel 24:17 - DAWAN BÎLA AISKA

¹⁷ Yukuwan ra sari taks, kwala siksa dimpara. Upla pruan nani pura mata dauki ba baku daukpara. Lamla srukras bara sûs sin âpu taukpara; mamwan sin bikpara sari sma wisi, plun sin pipara baha piua ra pi pata ba.”

Isikiel 24:17 ပူးပေါင်းရင်းမြစ်များ

2 Samuil 15:30

Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.

Lawana Nani 37:7

Dawan mapara sâp bas, witin bîla sin ban kaiki bas; kupiam sauhkpara watawikira nani diara dauki ba yamni baman taki ba dukiara luki.

Lawana Nani 39:9

“Yang bîlas baku, diara aisaras kapri kan, man sut daukisma bamna.

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Aiseya 20:2

Baha piua ra Dawan, Emus luhpia Aiseya wal aisi, win: “Man krukus kwalka dimisma ba daiks, minam ra sûskam ba sin.” Bara Aiseya baku daukan, ai prâka tara ba daiki ai mina man tauki kan.

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Isikiel 24:18

Titan ra upla aikuki aisi katna, bara tutni ra mayi ba pat pruan; titan wala ra, Dawan dîa ai win ba kat daukri.

Isikiel 44:18

Linin kwalka kum ai lal ra wilkan kabia, bara dras dimi ba sin linin kwalka, bara ai maisa ra wilkan kabia apia ai laptika takaia dukiara.

Oseas 9:4

bahara Dawan yamni kulki wainka dibia apia, sakripais nani sin, bahara Dawan ra daukbia apia. Ai pata pi ba sin sari pata pi kabia, bara upla wala nani baha pata pibia uplika ba sin, tâski kulkan kabia. Witin nani lika ai pata ba pibia, sakuna Dawan tempelka ra brih waia sip apia kabia.

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Libait Lâka 13:45

“Lipar sukwanka bri uplika ba ai prâka kalkbia, ai lal pura prakbia apia, bara wini aisabia: ¡Tâski!, ¡Tâski!

Libait Lâka 21:10

“Prîs tara ba lal ra batana laikan ba mita, sunu daukan ai prâka ba dimaia, baha ba mita ai tâwa ba auban ban kabia, ai prâka ba sin kalkan kabia apia, sari tukinka ba bri kabia apia;

Emus 8:3

Witin nani ai watla tara nani ra lilia aiwani ba, baha yua ra pruan nani pura mata ai mamna lulki ini kabia. Upla ailal pruan kabia, witin nani wini ini bin daukras, sâpkira pruan nani ba bri si lulki kabia. Dawan baku kasak aisi wisa.

Miqueas 3:7

Baha nani ai nakra ni kaiki bara diara mangki kaiki ba, tanis swira lâka ra tawbia. Witin nani sut ba, ai bîla sâp takan kabia, Gâd wina pana witin nani ra diara aisaras kabia bamna.

Abakuk 2:20

Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Matiu 9:23

Ju nani wihtka watla ra Jisas wan ba ra, kaikan miusik uplika nani ba pat bikaia ridi kan, bara upla nani sin bin dauki kan.