Isikiel 24:12 - DAWAN BÎLA AISKA

¹² Ban sakuna, tâskika lalahni ba takras sa, pauta klauhan pali mita sin klin daukras sa.

Isikiel 24:12 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 47:13

Lâ smalki, kupiam krauki nani ailal bri katma tilara, ban swapni takram. ¡Witin nani nanara bal bubia bara tâmwan aisabia, kasbrika pura tânka plaplikra nani ba mawanra, diara nani puramra aula ba kaikan dahra mai wiaia dukiara!

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Jirimaya 6:29

Angkaia payaska puhbaika ba karna pali puhbisa, pauta klauhan ba mita lit ba slilkisa. Sakuna slaslilkra nani ba bahki pali wark takisa, tâskika ba sip angki sakras, watawikira nani ba sip âpu takras.

Jirimaya 9:5

Upla kumi bani ai walka lawaska kikisa, upla kumi sin ai walka ra sturi kasak ba aisaras. Kunin aisaia ba witin nani natka takan; saura dadaukra, sip natka wala ra tawras. Dawan kasak aisisa: “¡Taibi luan ba pura kli taibi luan, kunin aisin purak kli kunin aisin! Upliki nani ai kakaira takaia brin daukras sa.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Isikiel 24:6

‘Kan Dawan ba wisa: ¡Saura pali kabia upla âikra tawanka ba! Dikwa kum bîla puputka alkan ba baku sa, bilara puputka ba sakras sa. Man, kumi kumi sâks wîna lupia nani ba dakawa ba bîla baman sâkma ba kat.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Abakuk 2:13

Dawan ai karnika sut bri ba mita, wark karna takram nani ba sut bahki ra lakan kabia, warkkam nani daukram ba, pauta ami ba mita angki sauhki tikan kabia.