Isikiel 23:45 - DAWAN BÎLA AISKA

⁴⁵ Sakuna upla kasakkira nani mita witin nani bui witin dîa briaia ba marit lâka sasauhkra nani upla âikra nani mapara lâka dauki pât ra lakbia. Kan witin nani ba marit lâka sasauhkra mairka nani, bara mihta nani ba tala ni yukan sa.”

Isikiel 23:45 ပူးပေါင်းရင်းမြစ်များ

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

Jirimaya 2:34

Upla umpira pâtkas nani tâlia prâmka ra alkan sa, baha uplika nani ba diara saura dauki kan man tayahkras kapram.

Inanka Nani 4:14

Witin nani tawan bîla yabalka nani ra, nakras baku sip kasak ai dara walras kira wapi kan; tala wal tâski pali aihwa takan kan bamna, upla kumi sin witin nani ra ai mihta ni sip kangbras kan.

Isikiel 22:3

Bara man wima: ‘Naku wisa Dawan ba: Tawan, man nani uplikam ra ikisma ba, aidul nani paskisma tâski takaia dukiara, ¡awarkam ba pat balbia!

Isikiel 23:24

mampara balbia; wagin nani ailal bara suldiar kwâra tara; plis sât sât wina bal mai kutbia; bara ai lal prakaika bara kaina kahbaia sin, yang mita raitka yabamni lâmka daukaia, bara witin nani lâmka daukbia dîa ai lâka natka ba kat.

Isikiel 23:44

Kaiks witin aula, Oholá bara Oholibá ra, pri mairin nani, sim rug mairin nani ra upla nani auya ba baku.’

Isikiel 24:7

Tawan ba tala laiwan ni banhwan sa; bara laiwisa, tasba purara lika apia, pukpuka ba mita pura bikbia, sakuna walpa lipni ba purara.

Oseas 2:2

Dawan aisi wisa: “¡Man nani yaptikam lâka aisi dauks, dahra sâks, kan witin ba, yang mayi apia takan sa, yang sin witin ai maya waitna apia sna! ¡Ur mairin lâka ba swibia ai waitnika nani ba, ai lamkuka wina saki batakbia!

Oseas 6:5

Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Libait Lâka 21:9

“Prîs luhpia kum ai aisa lâka lulkbia bara tiara rugkira takbia kaka, raya angkan kabia.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”