Isikiel 23:35 - DAWAN BÎLA AISKA

³⁵ “Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Isikiel 23:35 ပူးပေါင်းရင်းမြစ်များ

1 King Nani 14:9

Ban sakuna, man kainamra kan nani ba wal kau saura daukram; bara man kupi sauhkram, gâd bahki nani lilka paski daukram, bara yang na man ninamra ai lakram.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Jirimaya 13:25

Israel, baha sika man briaia sma ba yang kli maikaia sna ba man daukram ba. Yang, Dawan, kasak aisisna. Man bui yang ra âmya lap ai tikram bamna, bara lukankam ba aidulkam nani ra kasak lukram.

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 2:32

¿Mairin kum ba ai prana dauki aiskahki dukia nani ba, marit takan prâka skahkan ba âuya tiwbia ki? Ban sakuna, yang upliki nani lika piua wihka pat ai âuya ai tikan sa.

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Jirimaya 23:27

Witin nani yaprisauhkan kaiki ba ai walka ra pana pana aisisa, bara baha wina yang upliki nani ra aisisa yaka yang ra ai âuya tikaia, ai damika nani ba sin yang ra ai âuya ai tikan bara Baal ninara wan.

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 32:33

Witin nani ai nina yang ra tawan, ai mawan lika apia. Yang yu bani smalki takaskras pali katna sakuna, witin nani lika yang ra walras, saura dauki ba sin wapni takaia lukras kan.

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 44:10

Libait nani, yang wina laihura taki wan ba, Israel yabal wala ra taki wan bara ai lulki ai swin aidul ra mayunaia dukiara, aibapaia kabia ai saurka tâwan.

Isikiel 7:4

Umpira kaikan lâka ni mai kaikamna apia, klala maikaisna man daukankam ba dukiara, bara maikrika man saurkam nani tâka, dîa takan nani ba mana aibapma. Bara damra walma yang sika Dawan sna.

Oseas 13:6

“Sakuna man nani plun puram lui briram ba ra, kupiam lukra ba aibanhwan uba tara takan bara âmya ai tikram.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Libait Lâka 24:15

Bara Israel luhpia nani ra wis: Ya Dawan nina ra aisi saura wibia, swira daukbia, witin ai saurka pâtka ba twilkbia upla sut bal witin ba walpa ni sabi ikbia. Tringsar kabia, apia kaka tawan luhpia kabia, Dawan nina ra saura aisi ba mita pruaia pâtka ba bribia.

Kulki Kaikanka 14:33

Luhpiam nani ba naha upla iwras tasbaya ra 40 mani sepad nani baku tauki kabia. Baku man nani lukraskam lâka brisma ba mana witin nani aibapbia, man nani sut naha upla iwras tasbaya ra pruma ba kat.

Kulki Kaikanka 14:34

Man nani yu yawanaiska wâl baha kuntrika tânka ba yukuwi kaiki kapram; baha baku sin mani yawanaiska wâl pâtkam wirhika ba twilki tauki kama. Yu kumi ba, mampara mani kum takbia, bara yang klailka ba bri banhma.’

Kulki Kaikanka 18:22

Israel uplika wala nani ba sip apia sa tint watla holi pliska ba lamara waia, kan saurka dauki ban wabia kaka, sip sa pruaia.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.