Isikiel 23:14 - DAWAN BÎLA AISKA

^14-15 Sakuna witin kau laihura wan, ur taki lâka ra: utla tnaya ra Babilon lilka nani kaikan, kusbi bara pauni ni ulban kan; sut ba suldiar tara nani baku lâka daukan kabia, ai maisa wilkaika bara ai nana wila ba dukiara.

Isikiel 23:14 ပူးပေါင်းရင်းမြစ်များ

Aiseya 46:1

Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Jirimaya 22:14

Man aisisma: ‘Yang waitla tara pali aihwa kum mâkaisna, rum bîla tarka tara nani paskamna pura rumka ra.’ Windar nani sin paskisma, tnaya ba yalam tatka sabisma, prâka pauni dingkisma.

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Isikiel 16:29

Bara ban dauki kapram, Babilon nani wal ur lâka ra waram, diara âiatkra nani tasbaya ra; bara baha sut wal sin âmyapah takras katma.

Isikiel 23:13

Daira walri witin sin tâski takan kan, ai muihni daukan ba nina blikan bamna.

Isikiel 23:23

Babilon bara Caldea uplika nani, Pecod wina, Soa bara Coa wina, Asiria uplika sut; witin nani ba wahma painkira, tâ brabrira, tawan lalka, suldiar lalka bara aiklaklabra nani; witin nani sut aras ra uli nani ba sin,

Isikiel 8:10

Dimri, bara kaikri bara kaiks piuta lilka, bara yamni kaikaia apia daiwra talika lilka; bara Israel watla ra aidulka nani sut ba lilkika daukan kata kutban aiska ra.

Nahum 2:3

Ninibi sasauhkra nani aula ba, ai kan kahbaika ba mapla pauni brisa, ai war aiklaklabra daknika kwalka dimi ba mapla pauni sa. ¡Witin nani aiklabaia ridi pali sa! War waginka nani bri ba, wan nakra ra pauta klauhan biulwi ba baku sa. Araska nani ba ihbi baman ai mina pruki ai wîna tatatwisa, mahka plapaia dukiara.