Isikiel 22:11 - DAWAN BÎLA AISKA

¹¹ Upla kum kum bâra sa, ai uplika maya wal marit lâka sauhkisa, apia kaka, ai luhpia waitna maya wal swira lâka briaia dukia daukisa wisa, apia kaka saura taiban lâka munisa ai lakra, ai aisa apia ai yapti luhpia ra.

Isikiel 22:11 ပူးပေါင်းရင်းမြစ်များ

2 Samuil 13:1

Absalón, Debit luhpia ba, ai lakra kum bri kan mairin painkira, nina Tamar. Bamna Amnón Debit luhpia waitna ba ai lakra ra latwan kaikan,

2 Samuil 13:11

sakuna plun ba dakakaia ai lama kat wan ba ra, Amnón witin ra prak alki bara win: —Bal, laikra, yang wal aitniks.

2 Samuil 13:14

Amnón witin ai bîla walras, ban alki taibi muni witin wal aitnikan, Amnón kau karna kan ba mita.

Jirimaya 29:23

Witin nani ra baku takbia, kan Israel wina tâski daukaia dukia nani daukan bamna: ai uplika maya nani lâka krikan, yang nini bri kunin manis aisin, baku aisaia wiras katna ba. Yang baha kaikisna, yang ra param sa. Yang, Dawan, kasak aisisna.’ ”

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Isikiel 18:11

ai aisika daukras kan ba, wibia kaka, il plahpia ra aidul nani dukiara liliaka tara, plun ailal tilara dauki mayuni ba, bara ai uplika maya dakbi ba,

Isikiel 18:6

Il nani plahpia ra plun pi aidul nani ra pain kulkaia dauki ba witin baha mayunras, kunin gâdka nani Israel bri ba ra sin ai lukanka bâra mangkras; ai uplika maya sin dakbras, ai maya kati siknis bri ba lamara waras;

Isikiel 33:26

Ikaia dukia nani wal taiban lâka daukisma, yang misbara kaikisna dukia daukisma, sut marit lâka sauhkisma, ¿bara lukisma kuntrika dawanka taki banhma?’

Libait Lâka 18:15

“Luhpiam waitna maya ba yappara, kan witin ba luhpiam waitna maya; witin lika man wal saura daukaia apia sa.

Libait Lâka 18:20

“Uplikam maya ba yappara, baha tawan tâski mai kulkbiara.

Libait Lâka 18:6

“Waitna kum sin ai taya mairin ba, ai mairka bribia apia. Yang sika Dawan.

Libait Lâka 18:9

“Lamkra wal yappara, papikam luhpia, apia kaka mamikam luhpia sapa, wamtla ra pâwan sapa, wamtla ra pâwras sapa, sakuna witin wal yapaia apia sma.

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Libait Lâka 20:12

“Upla kum ai mula yapti wal yapbia kaka, wâlsut ikan kabia, ai prurika silp twilkbia, witin saura daukan bamna.

Libait Lâka 20:17

“Upla kum ai lakra ba ai maya bribia kaka, ai yaptika luhpia wal rug daukbia kaka wâlsut ikan kabia. Tawan uplika kaiki kaka, baha ba swira lâka tara bamna, ya baha daukbia ba ai pâtka bribia.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Galesha 5:19

Karna apia sa ya nani wan wîna tara brinka warkka saura nani nina bliki ba: marit takras kira upla ai maya briaia lâka ba, tâski lâka daukaia, brinka saura nani lihkaia,

Kli Smalkanka 22:22

“Waitna kum mairin kum ai maya bri kaka wal prawbia kaka, wâlsut pruaia pâtka ra tawbia. Baku lika man nani saurka lâka Israel ra sâkma ba âpu daukaia sip kama.

Kli Smalkanka 27:22

‘Aisa kumi, yapti kumi luhpia mairin ra lakrika waitna mita wal yapbia kaka, lahtuban kabia.’ Bara upla sut wibia: ‘Baku kabia.’

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.