Isikiel 20:5 - DAWAN BÎLA AISKA

⁵ Witin nani ra wis: ‘Dawan naku aisisa: Israel bâk saki briri piua ra, wal lâ kum swer takri ai kiamka nani dukiara bara yang lika witin nani ra param takri Idsip ra. Naha baman yang bui witin nani ra swer takri: Yang sika man nani Dawan Gâdkam.

Isikiel 20:5 ပူးပေါင်းရင်းမြစ်များ

Blasi Sturka 14:22

Sakuna Ebram pana Sodoma kingka ra naku win: —Gâd Laih Purara iwi ba ra yang mihti bukri, kasbrika pura bara tasba sin papaskra ba,

1 King Nani 18:39

Upla nani baha kaiki, tasba kat bawan, bara win: “¡Dawan sika Gâd sa, Dawan Gâd sa!”

Lawana Nani 103:7

Witin ai yabalka nani bara ai daukanka nani marikan, Moses ra bara Israel luhpia nani ra sin.

Lawana Nani 33:12

Lilia pali sa baha uplika Dawan mita witin nani ai Dawanka aimaki ba, witin mita ai uplika nani kaia bâk sakan ba.

Impakan Sturka 3:16

Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Impakan Sturka 6:2

Dawan Gâd ba Moses kat aisi, win: —Yang sika DAWAN.

Impakan Sturka 6:3

Ebraham ra, Aisak ra bara Jekob ra latan takri bara witin nani ra wîri, yang nini ba Gâd karnika sut pali bri ba, sakuna nini pali ‘DAWAN’ ba lika wiras kapri.

Impakan Sturka 6:8

Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Aiseya 43:10

Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.

Jirimaya 33:24

“¿Upla nani aisi ba man walras sma ki Israel bara Juda wal kiamka nani ba yang pali mita bâk saki briri ba lulki swiri ba? ¡Baha mita yang upliki nani ba witin nani saura kaikisa, nisan kum ra kaiki baku kaikras!

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Isikiel 20:15

‘Baku sin upla iwras tasbaya ra pramis takri, yang bui witin nani tasbaya wisi sakri ba ra brih waia apia, sut kau prana ba, bahara nasma bara tiala laya wal lî baku plapi ba;

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Isikiel 34:24

Yang, Dawan ba, ai Dawanka kamna, bara duki dadaukra Debit ba tâ brabrira kabia. Yang, Dawan ba, aisari.

Isikiel 35:11

Sakuna yang, Dawan, rayaki ni swer takisni, yang bui man ra sin kupi baiwanka ra baku mai munaisna, tuman lâka ni misbara lâka ni Israel ra munatma ba baku. Yang klala maikamna ba ra, witin nani ai dahra wali ai kaikbia.

Isikiel 47:14

Yang swer takri almukkam nani ra naha tasbaya na yabaia. Kumi bani sim yahpika aikuki bribia. Naha kuntrika na diara briaia kan ba baku bribia.

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Libait Lâka 18:2

“Israel luhpia nani ra naku wis: “Yang sika man nani Dawan Gâdkam.

Mark 13:20

Bara Dawan mita baha piua ba kunhku daukras kaka, upla kumi sin swaki sakan kabia apia; sakuna ai uplika nani pliki sakan ba latwanka ra kunhku daukan sa.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 32:40

Mihti kasbrika purara bukisna bara yang ban kaia lâka brisna dukiara swer takisni,

Kli Smalkanka 4:34

¿Gâd wala bâk sakan ba ra kangbi, upla wala nani tilara tânka tara kaiki, sain nani wark aihkakira dauki, war aiklabi kira tasba ra ai karnika marikan, Dawan Gâdkam Idsip ra man nani mamta daukan kaikram ba?

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Kli Smalkanka 7:7

“Dawan mita man nani ra mai kulki aihka mai sakan ba, man nani ba nisan nani tilara kau tara apia sma, sakuna kasak pali witin nani wal man nani kau sirpi sma.

Param Marikanka 10:5

Baha ningkara, insal kabu purara bara sauhka ra bûi kan nani ba kaikri, ai mihta aihkika kasbrika pura tani ra bukan,

Param Marikanka 10:6

bara Gâd nina mâki swer taki, witinka ban kaia ra raya iwi ba, bara kasbrika purara, tasba, kabu bara diara nani sut bahara banhwi ba paskan ba, bahara naku wisata: “Kau piua âpu kabia.