Isikiel 20:47 - DAWAN BÎLA AISKA

⁴⁷ bara wis: ‘Dawan naku aisisa: Yang pauta mukuna dus tara nani ba sut ambia, pâwi ba lâwan nani ba sut. Naha pautika klauhan nani dasras ban ami kabia, bara man nani tilamra upla nani ba sut mawan ambia, yahbra wina waupasa kat.

Isikiel 20:47 ပူးပေါင်းရင်းမြစ်များ

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Isikiel 16:35

‘Bamna, man rug mairin, yang aisinki na wals:

Isikiel 17:24

Bara dus nani sut ai dahra walbia, yang sika Dawan sna ba. Yang ba dus kwakwalhra ra batakisna bara dus sirpi ba yabri pâwisa. Yang dus kura ba yâri lâwisa, bara yabri dus lâwan ba kli sangni takisa. Yang, Dawan, baku wisni bara daukisna.’ ”

Isikiel 19:14

Tnawa wina pauta klauhan kum takisa, slaunhka urhwi ba ra mâ ba âpu daukisa. Tnawa karna kau âpu sa, king iwaika takaia.’ ” (Naha prura lâwanka sa, bara prura nani dukiara baku kabia.)

Isikiel 21:10

Mala daukan sa, ikaia dukiara, lipni daukan sa ingnika ba biulwaia dukiara;

Isikiel 21:32

Mai angki, sauhki mai tikbia; tâliam ba kuntri aiska ra laiwbia bara upla kum sin ai kupia kraukbia apia man dukiamra. Yang, Dawan, naku wisni.”

Isikiel 24:5

Pauta ba pura paks, bara sîp kau yamni ba wina kum pain pali lukwaia, dusa nani ba sut piawbia ba kat.

Luk 23:31

Bamna dus kura lupia ra naha diara sut na muni kaka, ¿dus lâwan ra dîa mika munras kabia ki?

Kli Smalkanka 32:22

Yang kupi baiwanka ba pauta baku sa, tasba kau munhta kat sin yang kupi baiwanka ba wabia; tasba bara ai mâ nani saki ba sut ami lubia, unta pâwi takaskan ba kat pauta ami wabia.