Isikiel 20:40 - DAWAN BÎLA AISKA

⁴⁰ Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 20:40 ပူးပေါင်းရင်းမြစ်များ

2 Samuil 24:23

¡Naha sut sin yang bui king tara ra yabuna! Baha sut purkara, Arauna ai bîla baikra tara aisin: —¡Brin ai daukisa king bui Dawan Gâdkam ra yamni kaikbia!

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 60:7

Quedar ra daiwan daknika nani ba sut man daiwram daknika nani kabia; Nebaiot sîpka nani ba sin man sîpkam kabia; baha nani ba Dawan altarka ra, witin yamni kaiki prisantka nani dauki yabaia, bara witin ai tempelka prana ba kau pranakira daukbia.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Aiseya 66:23

Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Isikiel 17:22

‘Yang Dawan sna ba, naku wisni: Yalam dusa kum purara ba alkamna; slaunhka kau purara ba krikamna ba ra, yang pali il kau tara ba purara mangkamna,

Isikiel 17:23

Israel ilka kau tara ba purara. Tnawa takbia, ai mâ sâkbia, bara yalam pranakira takbia. Daiwan sât sât nani baha munhtara raya kabia, piawira sât sât ai watla mâkbia baha tnawa distika ra.

Isikiel 28:14

Kirubin kum mita main mai kaiki kaia mai swiri, Dawan ilka holikira ra katma, bara slilma nani tilara wapi tauki katma.

Isikiel 43:12

Naha sa tempel lâka ba: tempel lama kir tasba bara ilka purara ba holikira pali kulkan kabia.”

Isikiel 43:27

Baku daukbia yu 7, bara yu 8 wina ai kanra, wîna aiska angki nani ba wal kupia kumi takaia sakripais nani ba daukbia. Baku mika yang bui man nani mai brimna âiyapah kira. Yang, Dawan, baku mai wisni.”

Abdías 1:16

Kâp tahpla pali ba man nani yang ilki holikira ra diram ba, baha tahplika kan ba baku nisan wala nani sin dibia, kwatbi langki witin nani dibia, sut âpu pali takbia ba kat.

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Malaquía 3:4

Bâra mika Dawan, Juda bara Jerusalem wal ai prisantka brih aula ba briaia lilia takbia, blasi piua lilia kata baku.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

Param Marikanka 12:1

Bara kasbrika purara sain tara kum takan: mairin kumi wan yu lapta ba ni kwala baku dingkan kan, bara kati ba ai mina nani munhtara bri kan, ai lal purara sin kraun kum slilma 12 ni daukan.

Param Marikanka 21:10

Spirit ba yang purira karnika brin, bara insal ba mita il tara kum purara ai brih wan. Witin Jerusalem, tawan holikira ba, ai marikan; baha ba lika kasbrika pura ba wina bal iwuya kan, Gâd mawan wina.