Isikiel 20:31 - DAWAN BÎLA AISKA

³¹ Baha prisantka, man luhpiam nani pauta ra angkisma ba, man nani kau ban tâski takisma aidulka nani ba wal. ¿Bara man nani baku brinkam sa ki, Israel luhpia nani, yang ra tânka plikaia aulma ba? Yang, Dawan, rayaki ni swer takisna mai swirika man nani ba yang ra bal diara tânka pliki walma apia.

Isikiel 20:31 ပူးပေါင်းရင်းမြစ်များ

Job 27:10

Bamna witin ai lilia sakras sa Gâd karnira ba mawanra, piua kumi sin witin nina mâki winbia apia.

Job 27:8

¿Upla saurakira ba dîa briaia bîla kaikisa ki, Gâd bui rayaka ba sâkbia piua ra?

Lawana Nani 66:18

Yang lukanka saura briri kata kaka, Dawan ba ai walaia apia kan;

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 57:5

Usupum dusa munhtara, bara dus tara nani sut mununhtara, saurka lâka lihki banhwisma, bara tuktan nani ra sin sakripais daukisa lî warbra nani ra bara walpa tara nani klukia ra.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 19:5

Baha purkara Baal altarka nani sin paskan, baha purara ai luhpia nani ba angki yabaia, baha daukaia yang aisaras, adar sin yabras katna ba, yang lukanki ra sin baku daukaia tânka sin lukras katna ba.

Jirimaya 7:31

Witin nani ba Ben-hinom ilka bîla ra altar kum paskan nina ba Tófet, bahara ai luhpia waitna nani ai luhpia mairin nani angkaia, witin nani ra wiras kapri baha daukaia, yang lukanki ra sin baha daukaia lukanka âpu sa.

Isikiel 16:20

‘Bara luhpa mairin kum, bara waitna sin kum man wal brisatna ba briram, bara sakripais daukram aidul nani pata kaia. ¿Man mampara wiria kapram, yabal mairka kaia ba,

Isikiel 16:36

Yang, Dawan, mai wisna: Man swira lâka luha, kwala âpu takram wînam tara ba liliam nani wal ur lâka daukaia wisi, bara baku aidulka nani yamni kaikras nani sut wal, luhpiam nani tâlia sakripais natka ra laikram.

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Isikiel 20:3

“Man, upla luhpia, Israel almukka nani ra aisi bara wis: ‘Naku wisa Dawan ba: ¿Yang ra diara tânka plikaia aulma? Yang, Dawan Gâd, rayaki wal swer takisna; yabrika man nani ba yang wina diara tânka walma apia.’

Isikiel 23:37

Witin mita lukras ai sakan bara ai mihta nani tâski daukan tala laikan bamna. Sip lukras ai sakan aidul ra mayunan man, bahara kulkanka yaia wisi ai luhpia waitna nani sakripais daukan pauta ra, baha luhpia waitna nani witin wal briri ba.

Isikiel 33:30

“Tawankam uplika nani ba, tawan kutbanka durka ra aisisa man dukiamra, bara ai walka ra wisa: ‘Man nani bal, kaisa walaia Dawan wina maisa pakanka balan na.’

Emus 8:12

Upla nani ba kabu kum wina kabu wala kat, yahbra wina lalma kat, Dawan bîla smalkanka walaia pliki, tanis baman watauki kabia; sakuna pliki sâkbia apia.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.