Isikiel 20:20 - DAWAN BÎLA AISKA

²⁰ bara kulki bribia kasak baku riski yua nani ba, baku tukin kum kaia, man nani bara yang wal. Baku damra walma yang sika Dawan Gâdkam sna ba.

Isikiel 20:20 ပူးပေါင်းရင်းမြစ်များ

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Impakan Sturka 20:8

“Ris yua ba, man nani âmya ra bri kupiam krauki bas, Dawan ra kulkanka yabaia yua ba.

Aiseya 56:2

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Jirimaya 17:22

Wamtla wina sin ris yua ra diara twilki sâkpara, baha yua ra wark kumi sin daukpara. Baha yua ba yang yui aik, damikam nani ra aisi adar wîri ba baku.

Jirimaya 17:24

‘Yang, Dawan ba, kasak aisisni: Man nani bîli wali dauks kasak aisisna, ris yua ra man nani diara kwahki bal tawan ra dimpara; baha yua ba yang yui aik, bara wark wala baha yua ra daukpara.

Jirimaya 17:27

Sakuna man nani lika yang lâ aisari ba wali daukras, baku yua ba yang yui aikras, ris yua ra Jerusalem getka ra diara twilki dimaia apia wisna ba sin walras sma kaka, bâra lika yang tawan getka nani ba ra pauta mukamna, pauta klauhan kum king watla Jerusalem ra bara upla kumi sin sip daskbia apia.’ ”

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Isikiel 22:8

Kulkanka yabras yang pliski holi ba, bara riski yua nani bâk sakri ba ra sin.

Isikiel 44:24

Aiklabanka tilara, witin nani wihta baku kaia sa, bara lâ daukbia yang lâika ba kat. Lâika nani ba kat daukbia bara smalkbia lilia daukaia yua nani ra, bara kulkan kaia yua nani holikira baku riski yua nani ba.