Isikiel 20:19 - DAWAN BÎLA AISKA

¹⁹ Wîri: Yang sika man nani Dawan Gâdkam. Lâika bîla ba kat, ulbanka ba kat sin daukbia,

Isikiel 20:19 ပူးပေါင်းရင်းမြစ်များ

Lawana Nani 105:45

Baha mita, Dawan lâka nani bara smalkanka nani ba kulki, alki brih daukbia dukiara. ¡Dawan nina ba mayunan kabia!

Lawana Nani 119:4

Man adarkam wankisma, lâmka nani smalki wankram ba, yang nani baha nani ban pali bri dauki kaia.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Isikiel 11:20

Baha ningkara witin nani ba yang lâika bara adarki nani daukri ba kat iwbia, bara witin nani mahka alki daukbia. Witin nani ba yang upliki kabia bara yang lika witin nani ai Gâdka kamna.

Isikiel 36:27

Man nani ra spiritki maikamna, bara yabrika lâika bîla bara daukaia lâka daukri ba kulkbia;

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Libait Lâka 18:4

“Yang dîa mai wisna ba dauks, yang bui lâ maikri ba alki dauks bara baha wal iwi bas. Yang sika man nani Dawan Gâdkam.

Kli Smalkanka 11:1

“Man nani bui Dawan Gâdkam ra latwan kaiks, bara ai lâka nani ba kat dauks piu bani ra, ai lâka nani maikan ba ban bri bas.

Kli Smalkanka 12:1

“Naha lâka nani sika man nani rayakam aiska ra trai kaiki kaia sma ba Dawan, damikam nani Gâdka mita tasba maikaia ba brima ba ra.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 5:1

Moses bui Israel luhpia nani sut asla paiwi, win: “Wals, Israel uplika, lâ nani naiwa maisam pakaisna ba. Pain lan taks, bara trai kaiki dauks.

Kli Smalkanka 5:32

Baku bamna trai kaiks, Dawan man nani Gâdkam bui adar maikan ba, baha wina tnaya ra tawpara.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kli Smalkanka 8:1

“Naiwa lâ nani maikisna ba, man nani daukaia trai kaiks, bara baku sip kama man nani raya kaia, bara ailal sin sahwi naha kuntrika Dawan bui damikam nani ra yabaia win ba dakbi brima.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.