Isikiel 20:11 - DAWAN BÎLA AISKA

¹¹ bahara lâika nani bara dîa daukaia lâka ba yabri; ya baha daukuya ba, rayaka yabi ba.

Isikiel 20:11 ပူးပေါင်းရင်းမြစ်များ

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Isikiel 18:9

yang lâika ba kat taukisa bara lâ yabri ba kat daukisa. Kasak pali baha uplika ba wapni kat sa, baku bamna, raya kabia. Yang, Dawan, kasak aisisna.

Isikiel 20:13

Sakuna upla iwras tasbaya ra maipara buan, bara lâika bîla walras; dîa daukaia lâka yabatna ba baha dauki raya kaia; riski yua nani briaia kata ba tâski daukan. Bara lukri kan kupi baiwanka witin nani purara batakaia bara upla iwras tasbaya ra âpu daukaia.

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Isikiel 33:15

bara kli laki yabia dîa brin nani ba, apia kaka dîa implikan nani ba, bara dîa rayaka lâka yabi ba daukbia, bara swibia saura daukaia lâka ba; kasak pali raya kabia, prubia apia.

Isikiel 33:16

Kan nanara yamni bara kasak lâka ra tauki bamna, raya kabia; bara kli kupi kraukamna apia saurka lâka daukan nani ba.’

Libait Lâka 18:5

“Lâ nani maikri lâka nani ba alki dauki bas, ani uplika lâika nani alki daukbia ba, raya kabia. Yang sika Dawan.

Luk 10:28

Bara Jisas pana win: —Man pain wiram. Naha na dauks, bara raya ban kaia ba brima.

Roman 10:5

Moses lâka bâk Gâd mita pâtkas kulkisa kaka, Moses mita naku ulban: “Ani uplika lâ ba kat pain daukisa kaka, witin lâ ba mita raya kabia.”

Roman 3:2

Baha ba uya bara aitani pali sin kulkan sa. Pas pali lika, Gâd mita ai smalkanka ba Ju nani mihta ra mangkan kata.

Galesha 3:12

Bamna Moses lâka ba lika kasak lukan lâka tânka apia sa, kuna dîa aisi ba wals: “Ya naha diara nani na sut daukisa kaka, witin baha dukia nani ba mita raya kabia.”

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 4:1

“Israel luhpia nani, nanara wals lâ nani mai smalkatna ba. Bara trai kaiks, kuntrika ba yus munaia, man nani damikam ra win Dawan Gâdkam wina maikaia win ba.

Kli Smalkanka 4:5

Yang lâ nani bara lâ daukaia ba mai smalkri Dawan Gâdki wina aikan ba. Ani kuntrika ra dimma ba, bahara smalki kaia.

Kli Smalkanka 4:8

¿Nisan tara pali aihwa bâra sa ki, naha lâka nani diara daukaia lâka nani kasak pali ba, naiwa yang bui man nani ra mai smalki mamrikisna na lâka bri ba?