Isikiel 2:4 - DAWAN BÎLA AISKA

⁴ Witin nani ai luhpia ba sin, lal karna bara kupia karnira nani sa; bara baha nani ra wima: ‘Dawan Gâd naku wisa.’

Isikiel 2:4 ပူးပေါင်းရင်းမြစ်များ

1 King Nani 22:14

Bara Micaías pana win: —¡Dawan nina mâki swer takisna, Dawan dîa ai wibia ba baha aisamna!

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

2 Kronikas 36:13

Baku sin king Nabucodonosor mapara sin buan, kan witin ra yaban Dawan nina ra swer takan wal ai uplika kaia, bara witin sin ai lukanka karna brin Dawan ra tawaia apia, Israel Gâdka ra.

Lawana Nani 95:8

“Man nani kupiam karna daukpara, Meribá ra baku; baha yua Masá twi ra takan ba baku,

Sins Lâka 21:29

Waitna watawikira ai mawan karna daukisa, ai daukanka ba aihwa sakaia; kuna wapnikira ba lika, ai dahra walisa ai tânka dutki sa.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Jirimaya 1:7

Sakuna Dawan bui ai win: “Man aisapara uba wahma sma. Yang anira mai blikamna ba, man bâra waia sma, baku sin yang dîa aisaia maikamna ba baha sika aisama.

Jirimaya 3:3

Baha mita sika lî auhaia piua ba bara lî sikwaia piua ba lî auhras kan. Man mamwan ba swiram âpu sa yabal mairka mawan baku sa; ¡man swiram bri kaia kapram!

Jirimaya 36:21

King ba Jehudí blikan Elisamá sturi âiulbra takaski ba ra waia, baha wauhkataya ba bri balaia, Jehudí wauhkataya ba bri balan ba ra, king tnaya kir wihta nani ba sin bâra kan, bara witin aisi kaikan king ba wali kan.

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 6:15

¡Witin nani ai swira briaia kan baha dukia nani witin nani dauki ba yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.”

Jirimaya 8:12

¡Witin nani ai swira briaia kan baha dukia nani witin nani dauki ba, yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.’ ”

Isikiel 3:11

Was, uplikam nani ra tasba wala ra brih wan bâra ba kaiks, witin nani man ra walbia sapa bara walras kabia sin, witin nani ra wis: ‘Naha Dawan aisisa.’ ”

Isikiel 3:27

Sakuna yang sturi kum mai wiaia want sna piua ra, yang kli maikrika sturi aisama, bara ningkara man wima: ‘Dawan ba naha aisisa.’ Ya walan dauki ba walbia, sakuna ya walan daukras ba sin walras kabia, kan tawan kum mapara babura nani sa.

Isikiel 3:4

Ningkara ai win: “Was bara aisi wis, Israel tawanka ra dîa yang wiaia sna ba.

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Emus 7:15

Daiwan nani tilara watauki kapri, baha wina Dawan bui ai paiwi bara ai win: ‘Man lika Israel luhpia nani tilara was, witin nani tilara dahra aisas.’

Sakaraya 7:12

Witin nani ai kupia karna daukan, walpa karna pali ba baku. Dawan, karnika sut bri ba, ai spiritka ni lâ smalkanka nani patitara prapitka nani ra win aisin ba, walaia apia win. Bamna Dawan kasak pali ai kupia baikan, bara naku win:

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Kli Smalkanka 10:16

“Wal lâ daukan lâka ba man nani kupiam ra bris, bara lamla karna kapara,

Kli Smalkanka 31:27

Kan yang lika man nani kiamam karnika bara kupiam karnika ba sin kaikisni; naiwa bâra ban man nani tilamra raya sni, bara Dawan mapara buram, ¿nahki banhwi kama yang pruamna ningkara?