Isikiel 2:1 - DAWAN BÎLA AISKA

¹ Baha ningkara bîla baikra kum walri: “Man upla luhpia, man bus, bara man wal aisamni.”

Isikiel 2:1 ပူးပေါင်းရင်းမြစ်များ

Lawana Nani 8:4

luki kaikisna: ¿Waitna ba dîa sa? ¿Upla paskram ba dîa sa? ¿Dîa muni witin dukiara kupiam kraukisma bara sin lukisma?

Isikiel 1:28

sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Isikiel 12:3

Baha mita man dukiamra dîa briaia sma ba kat ridi dauks tasba wala ra auma baku kakna upla sut mai kaiki kaka, wamtla wina taki plis wala ra was; ban kra witin nani baha tânka bribia mapara babura uplika nani ba.

Isikiel 13:2

“Israel prapitka nani klauna ai kupia wina man smalki nani ba ra wis: ‘Wals Dawan bîla ba.

Isikiel 14:13

“Kuntri kum yang maipara saura daukbia kaka bara yang wal kasak apia kaka, yang mihti sakbamna witin nani purara klala yabaia, bara pata piaia ba dakbamni, bara witin ra plun wahwan blikamna, bara yang munrika upla nani bara daiwan nani ba pruaia.

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Isikiel 15:2

“¿Diaura kau pain sa, wain dusa plamaya tatka ra, apia kaka dus playa nani tatka ra?

Isikiel 16:2

“Upla luhpia, Jerusalem uplika nani ra yas kaikbia, yamni kaikaia apia lâka nani daukan ba.

Isikiel 17:2

“Man upla luhpia, Israel luhpia ra prakanka bîla kum wal aisas,

Isikiel 2:3

Witin kau ban aisi kan: “Upla luhpia, yang bui Israel luhpia nani ra mai blikisna, baha tawanka bîla walras ba, bara yang maipara buan sa. Witin nani, bara ai almukka nani sut kira maipara buan, naiwa yua kat.

Isikiel 2:6

Upla luhpia, man, witin nani ra, bara dîa mai aisi ba ra sin si bripara, rahra nani kainam kir mai kutbi nani bri baku damra wali kama sin, apia kaka misri tilara iwisma baku kama sin. Sakuna si bripara witin nani mamwan kat aisi bara sirang mai iki, kasak maipara babura pali kabia sin.

Isikiel 2:8

Man, aman wals yang mai wisna na; mapara babura kapara, baha nani baku; bîlam kwâks, bara pis dîa maikisna na.”

Isikiel 20:3

“Man, upla luhpia, Israel almukka nani ra aisi bara wis: ‘Naku wisa Dawan ba: ¿Yang ra diara tânka plikaia aulma? Yang, Dawan Gâd, rayaki wal swer takisna; yabrika man nani ba yang wina diara tânka walma apia.’

Isikiel 3:1

Baha ningkara ai win: “Upla luhpia, naha wauhtaya ulbanka na pis, bara ningkara Israel nisanka ra aisas.”

Isikiel 3:10

Ningkara ai win: “Pain ai wals diara sut mai wiaisna bara sinskam ra klaki mangks.

Isikiel 3:17

“Upla luhpia, yang aihwawakra baku mai mangkisni Israel watla ra, bara dîa mai wimna ba baha man wima witin nani pat ai dara wali banhwi kaia mata.

Isikiel 3:4

Ningkara ai win: “Was bara aisi wis, Israel tawanka ra dîa yang wiaia sna ba.

Isikiel 37:3

Bara ai win: “¿Man lukisma naha dusa nani kli rayaka bribia?” Yang wîri: “Dawan, man yakan baha ba kaikisma.”

Isikiel 4:1

“Man, upla luhpia, slaubla ni blok paskan ba kum bris, bara baha purara Jerusalem lilka dauks.

Isikiel 40:4

Bara baha waitnika ai win: “Aman kaiks bara tânkira wals; aman pali kaiki bas diara sut mamrikaisna nani ba, Gâd mai brih balan sa yang diara na mamrikaia. Ningkara, dîa kaikma ba sut Israel luhpia nani ra wima.”

Isikiel 43:18

Ningkara Dawan bui ai win: “Altar ba paskaia piua balbia ba ra, naha lâka nani daukaia sa: Altar ba purara daiwan kum angkaia, wîna aiska ba, bara tâlia ba wal altar ba srikbia.

Isikiel 5:1

Dawan bui ai win: “Upla luhpia, nanara skiru mala pali risar baku kum bris, bamna tâmwa bara unam maya ba sut irbi paun ra mangki kaiks. Bara tâmwa ba mânka yumhpa dauks.

Isikiel 7:2

“Yang Dawan sna ba, Israel kuntrika ra wisni: Pat tnata ba aula, tasba aiska tnata ba aula.

Daniel 10:11

Baha ningkara ai win: ‘Daniel, Gâd bui latwan pali mai kaiki ba mita, dîa mai wiaisna na pain ai wali bas: bus, kan man ra ai blikan sa mai wiaia.’ “Naha bîla nani aisin ba ningkara, mahka pali yang tatatwi ban buri.

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Daniel 8:17

“Bara witin ba laimara balan bara yang tâ iwan takri, bara yang bawri maiwan ba tasba kat bri si prakri, sakuna witin bui ai win: ‘Upla luhpia waitna, luki bas naha diara aihka kaikram ba lika tnata yua tânka sa.’

Matiu 17:7

Bara Jisas witin nani lamara wih, kangbi muni, naku win: —Man nani bûi banhs; si bripara.

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Apastil Nani Sturka 26:16

Sakuna man bus, man ra yang balri ba lika, man bui yang warkki daukma bara witniski aisama ba dukiara, dîa dîa nanara yang tâinka kaikram na bara naika kaikma ba sin.

Apastil Nani Sturka 9:6

Man mahka bûi tawan ra dims, bahara mai wibia man dîa daukaia sma ba.”