Isikiel 19:7 - DAWAN BÎLA AISKA

⁷ King watla nani ra diara sauhki kan, tawan nani ra sin sauhki kan; witin ihbi ba mita, tasba aiska ba tatatwi kan.

Isikiel 19:7 ပူးပေါင်းရင်းမြစ်များ

2 King Nani 23:33

Bara king fero Idsip kingka Necao mita, Riblá Hamat tasbaika ba kat alki, silak ra mangkan, ban kra Jerusalem ra king aimakbia kra sîa, bara ai tasbaya ba ra taibi munan lal mana silbar mâ 7,500 paun bara gul 75 paun aibapan.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 28:3

Watawikira ba mita umpira nani ra taibi muni ba, lî karna auhi plun mangkan nani sut tiki ba baku sa.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Isikiel 12:19

Bara kuntri uplika nani ra wis Jerusalem, bara Israel luhpia nani sut: ‘Naha wisa Dawan ba: Sarikira ni patam pih banhma bara sibrinkira ni, diaia laya ba dima. Kuntri ba sauhkan pali kabia bara bîla man kabia; bahara iwi nani saurka tâka ba mita.

Isikiel 19:6

Pat layan tara takan ba ra, wih bali kan, layan nani tila wina. Dîa alkuya ba bisbi daukaia tânka brin, bara upla nani ra pi kan.

Isikiel 19:8

Bara witin mapara buan, lamara tawanka nani ba mapara sin; bara ai iliska nani mangkan, bara mina alkaika ba ra kauhan.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Isikiel 30:12

Yabrika Nilo ba lâwbia, bara kuntrika ba upla saura mihta ra swimna; baha nani tringsarka sut aikuki sauhki tikanka tara pali swimna, kuntri aiska bara dîa dîa bahara ba sut sin. Yang, Dawan, baku aisari.

Isikiel 34:4

Man nani sîp swapni takan ba tâ baikras, siknis nani ba rakras, mina kriwanka ba sin blakras, tnaya ra tawuya nani ba kli brih balras, tiwuya nani ba sin plikras, kuna karna lâka ni munisma.

Isikiel 45:8

Naha tasbaya Israel gabamintka tâ bri ba dukia kabia; baku gabamint tâ brabrira nani ba kli upliki nani ra taiban lâka ra bribia apia, kuna swibia Israel luhpia nani tasbaya kiamka bani ra.

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.