Isikiel 18:20 - DAWAN BÎLA AISKA

²⁰ Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Isikiel 18:20 ပူးပေါင်းရင်းမြစ်များ

1 King Nani 14:13

Bara Israel aiska ba ini yauhbia bara biki sin banhbia; kan Jeroboam kiamka tila wina, baha baman bikan kabia, kan witin baman diara yamni kum daukan sa Israel Dawan Gâdka mawanra, Jeroboam watla bilara.

1 King Nani 8:32

man kasbrika pura ba wina wali lâ kasak ba daukma, bara albikam pâtkira ba pâtka yama, bara ai daukanka ba ai lal purara batakma, kasakkira ba kasakkira kulkma, ai kasakka lâka mana kat yama.

2 King Nani 14:6

Sakuna baha waitnika nani ai papika ra ikan nani kan ba luhpia nani ba lika ikras kan, dîa Moses wauhkataya ra ulban kan ba kat, Dawan adarka yan ba kat: “Aisika pâtka nani ba tâwan luhpia nani ra ikaia apia sa, bara luhpia nani tâwan sin aisika nani ikaia apia, ban sakuna upla bani ba ai saurka ba tâwan lika pruaia sa.”

2 Kronikas 25:4

Sakuna witin nani luhpia ra lika ikras kan, dîa Moses lâka ra Dawan adar yaban ulban ba kat: “Aisika nani dîa saura daukbia ba tâwan luhpia nani ra ikbia apia, bara luhpia nani tâwan sin aisika nani ra ikbia apia, ban sakuna upla bani ba ai saurka ba tâwan lika prubia sa.”

2 Kronikas 6:23

man kasbrika purara pali ba wina wali kama bara dîa ba daukma bara albikam nani lâka ba kasak lâka ra daukma, pâtkira ba pâtka yama, bara ai daukanka ba ai lal purara batakma, kasakkira ba kasak kulkma, ai kasakka lâka mana kat yama.

2 Kronikas 6:30

kasbrika purara pali ba wina wali kama, baha man iwaikam ba wina, bara pâtka ba ban swih tikma. Bara man mahka dîa daukaia lukma ba daukma, kumi bani ra ai pâtka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

Impakan Sturka 32:33

Sakuna Dawan bui Moses ra pana win: —Ya yang maipara saura daukan ba nina baman dikamna wauhkataya wina.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Isikiel 14:14

Bara naha waitnika yumhpa na wan tilara kan kaka, Noa, Danel bara Job, witin nani yumhpa baman ai kasakka ba mita, ai rayaka nani baman swaki sâkbia. Yang, Dawan, kasak aisisna.

Isikiel 14:16

Bara baha waitnika yumhpa, witin nani tilara kan kaka, ai luhpia waitna bara ai luhpia mairin sin swaki sâkbia apia; witin nani baman swakwaia kan, bara kuntri ba upla iwras tasbaya takbia. Yang, Dawan ba, rayaki wal swer takisna.

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Isikiel 33:10

“Man, upla luhpia, Israel luhpia nani ra wis: ‘Man nani wisma: Pât nani bara saurka lâka nani ni yawan na wan pura paskan sa. Baha mita wan rayaka na aisawisa. ¿Yawan nahki raya kaia sip kabia?

Isikiel 33:6

Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Isikiel 4:4

“Baha ningkara man smihkam tani ra aitnikma bara Israel saura daukan ba puramra brima. Man smihkam tani ra baman aitniki kaia sma, witin nani saurka ba man puramra kabia

Libait Lâka 10:17

—¿Dîa kan man nani saura daukan sakripaiska ba, holi daukan pliska kum ra dimi iwi pih banhras kapram? Baha ba holi pali daukan sa, bara Dawan bui baha man nani ra maikan, baku dauki upla nani saurka daukan ba, man nani twilkaia, bara Dawan wina witin nani ai saurka swin tikan lâka ba bribia.

Libait Lâka 16:22

Baku baha gutska ba upla sut saurka nani twilki brih wabia, upla iwras tasbaya ra, bahara langki ikbia.

Libait Lâka 19:8

Ya baha wîna pibia ba watawi lâka mana ba twilkbia, upla nani tila wina sin mawan tikbia, Dawan yamnika ba tâski daukan bamna.

Libait Lâka 5:1

“Upla kum bui upla wala saura dauki kan kaikan, bara baha witniska ba aisaia lâ watla ra paiwan, sakuna witin baha dahra ba aisaras yukukbia kaka, saura daukisa. Uplika saura daukan saurka ba witin purara kabia.

Libait Lâka 5:17

“Dawan ai lâka nani mangkan ba mapara mita, upla kum ai dara walras kira saura daukbia kaka, ai dara walras kan sakuna pâtkira kulkan kabia, bara baha pâtka ba witin twilkbia.

Kulki Kaikanka 15:31

kan yang bîli ba bahki kulkan sa, lâ mangkri ba sin kulkras; bamna diara sut wina sakan kabia bara ai saurka karbanka ba yarka yakan twilkbia.”

Kulki Kaikanka 18:1

Dawan mita Eran ra win: “Man bara luhpiam nani aikuki, Libai kiamka daknika uplika wala nani ba sin, holi pliska ba mapara saura daukbia kaka, baha pâtka ba man nani puramra kabia. Sakuna man bara luhpiam wal, prîs warkka dauki si saura daukma kaka, saurka pâtka ba man nani baman lamla purara kabia.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Kli Smalkanka 24:16

“Aisika nani ba luhpia nani saura daukan kaka tâwan, sip pruaia pâtka ra lakras. Luhpia nani sin ai aisa saurka tâwan pât ra lulkras, ban sakuna, kumi bani ba silp ai saurka tâwan prubia.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.