Isikiel 17:3 - DAWAN BÎLA AISKA

³ bara wis: ‘Dawan ba naku wisa: Yakal tara kum Líbano ra balan; ai tnawa nani ba tara bara yari pali kata, tnawa ba mapla sât sât bri kan. Tnawa tara ba, yalam tnawa kum ra kangban,

Isikiel 17:3 ပူးပေါင်းရင်းမြစ်များ

Jirimaya 24:1

Nabucodonosor, Babilon kingka ba mita Jeconías, Joaquim luhpia waitna Juda kingka ba tasba wala ra brih wan bara witin aikuki Juda wihtka nani ba dus ni diara papaskra nani ba, kî papaskra nani ba sin brih wan kan, baha ningkara Dawan mairikan kwah mâ baskit wâl tempel ba lamara kan kaikri.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 48:40

Dawan aisisa: “Moab waihla yakal tara ai tnawa nani ilingki aula ba baku mapara aula.

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Inanka Nani 4:19

Waihla nani wan nina bliki ba, kanra isti sa yakal tara purara pâli tauki ba wal; wan nina blikisa il nani tilara, ¡bara wan alkaia wisi wan kainara takaski wan bîla kaikisa!

Isikiel 17:4

dus tnawa kau purara kan ba klakan, bara bri si diara âiatkra nani tasbaya ra mangkan, diara atkaia manis pali pliska kum ra.

Isikiel 17:7

Kuna yakal tara wala bâra kan, tnawa ba tara pali kata, bara tnawa taya ailal bri kan. Bara wainka, ai wakia ba yan wan, bara ai tnawa ba, yakal ba tani ra lakan lî kau yabia dukiara, dusa mangkan kata wina, kau laihura kan.

Isikiel 31:3

Man ba saiprus dusa, apia kaka, Líbano yalamka dusa baku sma, tnamwa painkira ba wal dista yabisma dus wala nani bâra ba. Yari pali sa, ban kasbrika kat wisa tnamwa bahna ba.

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Daniel 4:22

Baha dusa ba sika man king, pâwi ban karnakira pali takram ba. Wan Kingka sma ba lâka lika ban pâwi kasbrika purara ba kat ulan sa, man kingkam lâka karnika ba tasba aiska kat wan sa.

Daniel 7:4

Pas ba layan baku kan, sakuna ai tnawa nani bri kan yakal baku. Kau ban kaiki kapri ba ra, ai tnawa nani ba daikan, bara ban tasba wina yan buan; mina tani ba upla baku kan, bara kupia lukra ba upla baku kata.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Abakuk 1:8

Ai araska nani ba limi bulni wal kau karna plapisa, upla iwras pliska ra yul wail nani kraskira bâra ba baku kraskira nani sa. Ai araska âiulra nani ba, ailal pali plapi aula, bara kau laihura aula ba wina pat rau wan sauhkisa, yakal tara ai daiwra nani pliki sakan ba purara kauhi baku.

Matiu 24:28

Wîna tara pruan anira kabia ba ra, yakal tara nani asla takbia.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;