Isikiel 17:23 - DAWAN BÎLA AISKA

²³ Israel ilka kau tara ba purara. Tnawa takbia, ai mâ sâkbia, bara yalam pranakira takbia. Daiwan sât sât nani baha munhtara raya kabia, piawira sât sât ai watla mâkbia baha tnawa distika ra.

Isikiel 17:23 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Lawana Nani 80:8

Idsip wina wain kiwka kum sakram; idan nani ra yaram bâra mangkan.

Yamni Kulki Lawana 5:15

Ai kuhma nani ba, sin walpa pihni painkira playka nani baku sa, gul painkira plamaika nani purara bapi mangkan ba baku; wan nakra ra witin ba Líbano yalamka dusa painkira nani ba baku sa.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 31:6

Tnawira sât sât baha tnawa ra ai watla dauki kan; daiwan wail nani sât sât ba baha munhtara ai luhpia baiki kan. Nisan ailal baha distika ra iwaia sip kan.

Isikiel 36:8

Israel ilka nani man nani mampara, natka wala ra, dus tara nani bara mâ ailal, yang upliki man nani dukiam bâra kabia, pat kli tawi balaia sma piua ba baila sa bamna.

Daniel 4:8

Tnata ra Daniel, nina wala Beltsasar mâki ba bara gâdki nina baku bri ba, bal diman, witin ba Gâd sunukira pali ba spiritka bui tâ bri impaki ba, witin ra yaprisauhkanki ba wîri naku natka ra:

Daniel 4:9

‘Beltsasar, diara kakaira nani lalka sma ba, yang kaikisna Gâd holikira ba spiritka man tâm brisa, bara diara aihka nani ba tânka brisma. Bamna wals, dîa yaprisauhkan ra kaikri ba, bara tânka ba ai wis.

Oseas 14:7

Israel kli tawi bal distiki ra iwbia; bara plawar pâwi baku pâwbia, wain kiwka baku tangnika baiwbia, Líbano wainka damnika kîa buki baku, witin ai sturka ba wauhi kabia.

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Miqueas 4:1

Mani nani kau lui wabia ba ningkara, Dawan ra pura sunaia watla ilka ba lika tara pali kabia. Il wala nani sut wal kau purara kabia. Nisan nani sut bahara aidrubi banhwi kabia;

Matiu 13:32

Naha mâ lika mâ nani sut tilara kau sirpi sa; sakuna pâwuya ba ra, dus nani sut tilara kau tara takisa. Dus tara bamna, daiwan tnawira nani pâli ba bal, dus tnawa nani ra ai watla nani mâkisa.”

Mark 4:32

sakuna mangkan bara pâwuya ba ra, dus mâ nani sut purkara kau tara takisa, ai tnawa nani tara brisa, bara bahara daiwan tnawira nani ba ai watla mâkisa baha distika munhtara.”

Luk 13:19

Bamna mostard mâ kumi wal baku sa, waitna kum ai nasla ra mangkan ba, bara baha ba pâwi ban dus tara kum takuya, bara tnawira nani ba ai tnawa nani ra ai watla mâkisa.”

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”