Isikiel 17:15 - DAWAN BÎLA AISKA

¹⁵ Kuna naha kingka luhpia na, Babilon kingka mapara buan bara kuntri lengstarka nani Idsip ra blikan, aras bara upla ailal nani makabaia. ¿Man nani lukisma ki, baha ningkara pura lubia bara pruras raya mihta wina swakwi takaia? ¿Raya swakwi takaia sip kabia, ai pramiska kat daukras uplika ba?

Isikiel 17:15 ပူးပေါင်းရင်းမြစ်များ

2 King Nani 24:20

Bamna Dawan lawanka ba Jerusalem wihki Juda wal purara balan, ani yua ra ai mawan wina kangbi sakan ba kat.

2 Kronikas 36:13

Baku sin king Nabucodonosor mapara sin buan, kan witin ra yaban Dawan nina ra swer takan wal ai uplika kaia, bara witin sin ai lukanka karna brin Dawan ra tawaia apia, Israel Gâdka ra.

Lawana Nani 55:23

Gâdki, upla âikra nani bara kuninkira nani sin, raya kabia apia; ai rayaka ba bakriki man kabia; man bui munrika raiti tihuka ra wabia, sakuna yang lika kupi aiska man ra kasak lukisna.

Lawana Nani 56:7

¿Ban kra witin nani lukisa, ai watawanka ba wina swak takbia? Man, Gâd, lawankam wal uplika nani ba swira daukma.

Sins Lâka 19:5

Lâ mawanra witnis kuninkira ba lika, pâtkas kulkan kabia apia; bara kunin bîla aisi uplika ba sip swak takbia apia.

Aiseya 36:5

¿Aisanka ba kau yamni sa lukisma, war aiklabaia karnika nani ba wal? ¿Yaura kasak lukisma yang maipara aiklabaia aulma ba ra?

Jirimaya 32:4

bara baku sin Sedequías king ba Caldea uplika nani bui ban swibia apia, sakuna kauhbia Babilon kingka karnika ra, bara witin ai mawanra wan kabia.

Jirimaya 34:3

Bara man sip swak takma apia, ai mihta ra kauhma; witin nani mai alkbia Nabucodonosor ra mai brih waia, witin ai mawanra mai brih wabia ba ningkara, witin nani Babilon ra mai brih wabia.

Jirimaya 38:18

Sakuna man baha nani mihta ra aimakaia apia wima kaka, Caldea uplika nani naha tawanka na bribia ba ra angkbia, bara man sin swak takma apia.’

Jirimaya 38:23

Jirimaya kau ban king ra aisi kan: —Mairin nani ba sut, king luhpia waitna nani ba sut Caldea uplika nani mihta ra aimakbia, king baha nani mihta wina swak takbia apia, Babilon kingka mihta ra mangkan kabia, bara tawan ba angkan kabia.

Jirimaya 52:3

Baha mita Dawan Jerusalem mapara bara Juda mapara ai kupia baikan, bara ai lama wina saki lulkan. Sedequías, Babilon kingka ba mapara buan ba ningkara.

Isikiel 17:18

kan witin pramis daukan ba lawaska kikan bamna, wal lâ daukan kata ba kat daukras kan; pramis takan kuna sut daukras kan, bamna rayaka wal swak takbia apia.

Isikiel 17:7

Kuna yakal tara wala bâra kan, tnawa ba tara pali kata, bara tnawa taya ailal bri kan. Bara wainka, ai wakia ba yan wan, bara ai tnawa ba, yakal ba tani ra lakan lî kau yabia dukiara, dusa mangkan kata wina, kau laihura kan.

Isikiel 17:9

“Bara yang bîli witin nani ra wis: ‘Dawan naku wisa: Naha wainka kiwka na mâ sâkbia apia, yakal kaina manis bal wakia ba daikbia. Bara mâ nani ba yaka kauhbia; upla wiria bara tâ baikanka wiria wal wakia ba daikbia, bara slaunhka raya nani taki ba sut lâwbia.

Isikiel 21:25

Bara man, Israel kingka, upla âikra saura pali, klalka briaia piua baila pali sa.

Isikiel 21:28

“Man, upla luhpia, yang nini ra aisas bara wis, yang bîli Amón uplika nani ra, Israel ra lahtuban bîla saki ba, sord ba pat taya wina sakan sa: ikaia ridi sa, klaki wapni daukan, imyula lulkaia bara sauhki tikaia.

Isikiel 23:20

Idsip uplika nani mita rug takaia lâka ba smalkan, bara witin wal laik takan, ba mita rugka lâka dauki ba biriku bara aras nani baku sa.

Isikiel 29:16

Bara Israel uplika ba kli Idsip ra kasak lukbia apia, kan naha mita yarka kaikbia, nahki witin nani aitani daukras kan ba hilp pliki wan ba piua ra. Baku mika tânka bri banhbia yang sika Dawan sna ba.’ ”

Isikiel 29:7

mihtam nani ra alkan ba ra, man kriwram bara tnaya mina ra yaram insauhkan; man ra ai tâ baikaia munan ba ra, man kalram bara yabram kauhan.

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Kli Smalkanka 17:16

Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Jasua 9:20

Yawan bui witin nani ba swika raya kaia sa, kan yang nani swer taki Dawan wal pramis takri lâka ba krikamna kaka, Dawan sin yawan ra klala wankbia.