Isikiel 16:60 - DAWAN BÎLA AISKA

⁶⁰ Kuna yang lika kupi kraukamna, man wal lâ daukri ba, tiara katma piua ra; bara lâ raya ban kaia daukamni man wal.

Isikiel 16:60 ပူးပေါင်းရင်းမြစ်များ

Blasi Sturka 9:15

bara yang lâika daukri ba kupi kraukamni, man nani wal bara daiwan nani tasba ra ba wal sin. Kli lisamra tara laya nani ba balbia apia, baha nani sut sauhki tiki ba.

2 Samuil 23:5

Baha mita yang kiamki ba kitras Gâd wal bâra sa, witin ba yang wal lâ kum ban kaia lâka ba daukan sa, lâka aiska daukaia pat ulban sa, sip luras. Pura luaia lâka aiska ba witin bui yang ra aikisa bara yang brinki ba sin sut aikisa.

Lawana Nani 105:8

Kiamka tausin lui wabia kra, dîa pramis daukan lâka ba, ai âuya tikbia apia;

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Aiseya 14:1

Âu, Dawan Jekob ra umpira kaikbia, baha purkara Israel sin kli bâk saki bribia, bara yaka ai tasbaya ra ris bribia. Tringsar nani ba sin witin aikuki asla takbia, bara Jekob taika nani ra asla prakan kabia.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Jirimaya 2:2

“Jerusalem tawanka tara ra was bara aisas; wini karna aisas witin nani pain walbia: ‘¡Dawan naku aisisa! Kupi krawisa man tiara katma piua ba, mayi mai briri bara man wapni kapram, latwan ai kaiki katma bara upla iwras tasbaya bâk nini blikram, baha tasbaya ra diara pâwaia mangkras kan ba.’

Jirimaya 50:5

Saion ra waia yabalka ba makabi walbia, bara naku aisi baha tani ra wabia: ‘Kaisa Dawan ra yawan waia, lâ kum daukbia witin wal asla ban kaia lâka, kli sin wan âuya tikaia apia.’

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Oseas 2:15

Ningkara ai wainka nasla nani ba kli yabamna, Acor ilka langnika ba witin mapara bîla kaiki kaia durka daukamna. Bahara, witin tiara kan piua ra baku ai aisabia, sim Idsip wina takata baku.

Libait Lâka 26:42

Bara yang kupi kraukamni, Jekob, Aisak bara Ebraham sin aikuki lâ daukri ba, baku sin kupi kraukamni tasba ba dukiara.

Libait Lâka 26:45

Ban sakuna, kupi krauki kamni lâ nani witin nani aikuki daukri ba, Idsip wina sakri piua ra nisan nani mawanra witin nani Gâdka kaia. Yang sika Dawan.”

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.