Isikiel 16:57 - DAWAN BÎLA AISKA

⁵⁷ baha piua saurkam ba kau param takras kata; sakuna nanara filisteo bara Edom tawanka nani, lamara tawanka nani sut ba saura mai wisa; ¡tasba aiska bahki mai kulkisa!

Isikiel 16:57 ပူးပေါင်းရင်းမြစ်များ

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Aiseya 14:28

King Ahaz pruan ba ningkara prapit Aiseya ba naha dahra nani aisan:

Aiseya 7:1

Siria kingka Resín, bara Israel kingka Pécah Remalías luhpia ba wal, Jerusalem mapara aiklabaia wan, sakuna sip pura luras kan. Ahaz, Jotam luhpia, Ozías mulika ba, Juda kingka aimaki kan ba yua nani ra baha takan.

Jirimaya 33:24

“¿Upla nani aisi ba man walras sma ki Israel bara Juda wal kiamka nani ba yang pali mita bâk saki briri ba lulki swiri ba? ¡Baha mita yang upliki nani ba witin nani saura kaikisa, nisan kum ra kaiki baku kaikras!

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Isikiel 16:27

‘Baha ningkara mihti bukri klala maikaia dukiara; yang sip apia mai daukri bara filisteo nani tawanka mihta ra mai mangkri, misbara mai kaiki ba ra ai kupia sin sauhki kan ba daukankam yamni apia dukiara.

Isikiel 16:56

Muihkam Sodoma ra klala yabri bara lawaska kikatma, man ba tara damra wali katma piua ra,

Isikiel 21:24

Baku bamna, yang Dawan sna ba, naku wisni: Watawi lâka bara upla ikaia lâka man nani daukisma ba upla kaikisa param pali sa; saurka nani daukankam ra ba pura param sa. Baha man nani ra bal prak mai alkbia.

Isikiel 22:4

Iki yakabram nani ba tâka pâtkira sma, bara aidul nani paskram ba wal tâski takram; yabram awarkam ba kau lamara balan, bara yabram yuam tnata balan. Baku bamna, yang yabrika tawan nani ba mai lahtubia, bara nisan nani sut lamwaska kikbia.

Isikiel 23:32

“Naku wisni, yang Dawan ba: Man sin muihkam din kapka ba dima, kâp kum tara, yahpa bara tihu, lawaska kikan bara bahki kulkan ba wal banhwan,

Isikiel 27:16

Edom ba diara man wina atki kan, diara ailal bri kapram bamna; baha granit walpaya, kwala balianta, kwala maman nani, wahmuk kwalka mana pali, kabu dusa manakira bara rubi walpaya.

Isikiel 5:14

Yang mita mai daukamni, diara sauhki tikan yuyaka nani ailal ba baku, Jerusalem; swiram mai daukamni tawan nani kir mai bri ba sut mawanra, baku bamna upla sut mai kaikan kabia bâk lui nani ba.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Oseas 2:10

Ai waitnika latwankira nani kaiki kaka, prâka daiki taya man swimna. ¡Upla kumi sin witin ba, mihti wina dakbi sâkbia apia!

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Kulki Kaikanka 23:7

Bara Balaam dahra aisaia bîla na aisin: “Lalma tasbaya ilka nani wina, Aram wina Moab kingka Balac mita ai brih balan. ‘Bal —ai win—, Israel luhpia nani ra lahtubanka yas, Jekob uplika nani ra sin wima ba aitani kabia sapa nu âpu sna.’

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.