Isikiel 16:41 - DAWAN BÎLA AISKA

⁴¹ Wamtla nani ba pauta ni angkbia bara mairin ailal mawanra lâmka daukan kabia. Urkam lâka ba tnata mangkamna, bara kau lilam nani mana aibapma apia.

Isikiel 16:41 ပူးပေါင်းရင်းမြစ်များ

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

Job 34:26

Klala yabisa lâ sasauhkra nani ra baku, upla nani sut mawanra.

Aiseya 2:18

bara aidulka nani ba sut âpu daukbia.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Jirimaya 39:8

Bara Caldea uplika nani ba mita king watla ba angkan, tawan ra utla nani ba sin, Jerusalem kutbanka ba sin slingban.

Jirimaya 52:13

tempel ba angkan, king watla ba bara tawan ra utla nani ba, baku sin upla tara nani watla sin angkan,

Isikiel 11:9

Man nani mampara lâ daukamni: Naha wina man nani ra mai sakamni bara upla tringsar nani mihta ra mai mangkamna.

Isikiel 16:33

Ur mairin nani ra mana kum aibapisa; sakuna man lika latwan kaikisma ba sut ra prisantka yabi mana sin aibapisma, bara baku ani ani wina sut balbia ba ra man wal saura daukaia.

Isikiel 23:10

bara witin nani mita sunu kan lâka tikan; ningkara ai luhpia mairin bara waitna nani ai mihta dakban, bara witin nani ra sord malika ba wal ikan. Baku natka ra ai lâka daukan, witin mapara. Bara ai tânka ba tara takan mairin nani tilara.

Isikiel 23:27

Baku danh takbia man prikam lâka bara urkam lâka Idsip mihta ra aimakram ba bara kli Idsip uplika nani kaikma apia, witin nani ra sin kupiam kraukma apia.

Isikiel 23:48

Yang naha kuntrika ra daukanka saura nani ba, yabrika âpu tiwbia bara mairin nani saura dauki, witin nani kaiki lan takbia ba nina blîkbia apia.

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Isikiel 5:8

Baha mita, yang, Dawan, naku aisisna: Jerusalem, yang sin man mampara buaisna; yang bui man mampara lâ daukaia sna nisan nani sut mawanra, bara nisan sut mawanra,

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Kli Smalkanka 13:11

Naku natka ra kli saura daukaia dukiara, Israel aiska ai tânka brih sibrin bri bribia.

Kli Smalkanka 13:16

Tawan lilara upla aipaswaika pliska ra, ai dukia kukanka nani ba bri si paski swis, bara tawanka ba ra, diara nani sut waihlam nani wina dakbram ba pauta ra angks. Sauhki tiks, Dawan Gâdkam ra prisantka baku angki yas. Bara baha tawanka ba baku ban kabia, kli raya paskbia apia.

Kli Smalkanka 22:21

saura lâka tara pali dauki Israel purara ai aisa watla bilara sin swira lâka bri balan ba ra, aisika watla bîla wina saki latara bri si, tawan waitnika nani mita walpa ni sabi ikbia. Baku lika saurka lâka man nani tilamra âpu kabia.

Kli Smalkanka 22:24

tawan lâka watla mawanra wâlsut brih wabia, bahara pât ra laki walpa ni sabi ikbia. Tiarika ba tawan bîla kat kan bara hilp makabras kan ba tâwan, waitnika ba ai uplika maya takaia kan ba kulkras kan ba dukiara. Baku lika saurka lâka man nani tilamra âpu daukma.

1 Timoti 5:20

Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.