Isikiel 16:26 - DAWAN BÎLA AISKA

²⁶ Ur lâka ra iwram, lamara iwi nani aikuki, baha Idsip uplika nani ur lâka lihki nani wal, bara yang kupi baikram man daukankam, ur lâka ra iwi katma tâka mita.

Isikiel 16:26 ပူးပေါင်းရင်းမြစ်များ

1 King Nani 12:28

Bara aisinka kum daukan ba ningkara, king ba bui gul ni bîp lilka wâl daukan, bara upla nani ra win: “Man nani uya pali Jerusalem ra impaki wisma. Kaiks nâra sa man nani gâdkam nani ba, witin nani bui sika Idsip wina mai saki brih balan ba.”

Impakan Sturka 32:4

bamna witin gul nani ba brin, bara slilki muni baha ni bîp wainhka lupia lilka kum paskan, bara sut mita aisi, win: —¡Israel, naha sika man nani dawankam, Idsip tasbaya wina mai sakan ba!

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Isikiel 23:3

Tiara wina, naha mairka wâl na ur takaia warkka ra diman; Idsip ra yaban ai tialka ba taibi swapni daukan bara sunu kan lâka ba tikan.

Isikiel 23:8

Idsip ra kan wina rug mairin takan, bara sip swiras kan ai natka ba. Tiara kan wina ailal pali, witin wal prawan bara sunu kan lâka ba tikan.

Isikiel 8:10

Dimri, bara kaikri bara kaiks piuta lilka, bara yamni kaikaia apia daiwra talika lilka; bara Israel watla ra aidulka nani sut ba lilkika daukan kata kutban aiska ra.

Isikiel 8:14

Bara Dawan tempelka ra dimaika durka pali ba kat ai brih wan, baha yahbra tani ra yaba. Tila mairin nani bâra iwi kan, Tamuz gâdka dukiara ini kan.

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Libait Lâka 15:3

Witin ai wîna ba wina laya takisa, apia kaka laya ba takras prakisa kaka, baha mihta tâski kulkan sa.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.